بيىل 52 دەنساۋلىق ساقتاۋ نىسانىنىڭ قۇرىلىسى اياقتالادى - دۇيسەنوۆا

استانا. قازاقپارات - بيىل 52 دەنساۋلىق ساقتاۋ نىسانىنىڭ قۇرىلىسى اياقتالادى. بۇل تۋرالى بۇگىن ق ر ۇكىمەتى وتىرىسىندا ەلىمىزدىڭ دەنساۋلىق ساقتاۋ جانە الەۋمەتتىك دامۋ ءمينيسترى تامارا دۇيسەنوۆا ءمالىم ەتتى.

ونىڭ ايتۋىنشا، قازىرگى ۋاقىتتا رەسپۋبليكا بويىنشا جالپى قۇنى 88 ميلليارد تەڭگەنىڭ 98 دەنساۋلىق ساقتاۋ كەشەنى سالىنىپ جاتىر. ونىڭ 53 ى رەسپۋبليكالىق بيۋدجەتتەن، 45 ءى جەرگىلىكتى بيۋدجەتتەن قارجىلاندىرۋدا.

«بيىل 76 نىساننىڭ قۇرىلىسىن اياقتاۋ جوسپارلانعان. ونىڭ ىشىندە بۇگىنگى كۇنى 24 نىسان، ياعني 1 اۋرۋحانا، 3 ەمحانا جانە 20 دارىگەرلىك- امبۋلاتوريالىق فەلدشەرلىك- اكۋشەرلىك پۋنكتتىڭ قۇرىلىسى اياقتالىپ، پيدالانۋعا بەرىلدى»، - دەدى ول.

سونداي- اق مينيستر جىلدىڭ سوڭىنا دەيىن تاعى دا 52 نىسان اياقتالۋى ءتيىس ەكەندىگىن ايتتى.

 «ولاردىڭ ىشىندە 3 اۋرۋحانا، 5 ەمحانا جانە 44 دارىگەرلىك- امبۋلاتوريالىق فەلدشەرلىك- اكۋشەرلىك پۋنكت بار»، - دەدى ت. دۇيسەنوۆا.