05:30, 13 - ماۋسىم 2014 | GMT +5
سارا عارىشقا ۇشۋى ءۇشىن 52 ميلليون دوللار تولەيدى
استانا. قازاقپارات - رەسەيدىڭ «سويۋز» كەمەسىمەن ۇشىپ، حالىقارالىق عارىش ستانساسىنىڭ بورتىندا 10 كۇن بولۋ ءۇشىن بريتانيالىق ءانشى سارا برايتمانعا 52 ميلليون دوللار تولەۋ قاجەت.
بۇل تۋرالى سەيسەنبى، 10- ماۋسىم كۇنى روسكوسموسپەن كەلىسىم بويىنشا «عارىش تۋريستەرىنىڭ» ساپارىن ۇيىمداستىرۋمەن اينالىساتىن Space Adventures كومپانياسىنىڭ پرەزيدەنتى توم شەللي حابارلادى.
ونىڭ سوزىنە قاراعاندا، برايتمان ح ع س- عا 2015 -جىلدىڭ قىركۇيەگىندە ۇشۋدى جوسپارلاپ وتىر جانە الداعى كۇزدە ماسكەۋ تۇبىندەگى عارىشكەرلەردى دايىنداۋ ورتالىعىندا بىرنەشە اي بويى جاتتىعۋدان وتەدى. «ول ءوزىنىڭ بۇل ويىنا نىق سەنىمدى جانە ءوزىنىڭ ناقتى جوسپارلارىن قۇرۋدا» ، - دەپ اتاپ ءوتتى فلوريدا شتاتىنىڭ ۇلتتىق عارىش كلۋبىندا ءسوز سويلەگەن شەللي.
ول برايتماننىڭ عارىشتا بولعان جانە وندا قانداي دا ءبىر مۋزىكالىق كومپوزيتسيانى ورىنداعان العاشقى كاسىبي ءانشى رەتىندە تاريحتا قالعىسى كەلەتىنىن راستادى.
