كەڭەس وداعىنىڭ باتىرى اتانعان 528 قازاقستاندىق تۋرالى جاڭا تەلەحيكايا جارىققا شىقپاق
«ءبىر جىل بۇرىن ءبىزدىڭ تاراپىمىزدان ق ر ۇكىمەتىنە ۇسىنىستار جاسالىپ، «قازاقستان: ۇلى وتان سوعىسىنىڭ باتىرلارى» تەلەەنسيكلوپەدياسىنىڭ جوباسى جاسالدى. قازاقستاندىق باتىرلار مەن قازاقستاننىڭ جەڭىسكە قوسقان ۇلەسى جايلى تەلەحيكايا «ماڭگىلىك ەل» باعدارلاماسىنا سايكەس كەلەدى جانە ءبىزدىڭ ۇرپاقتارىمىزعا بار ۋاقىتتا قولجەتىمدى بولادى.
قازىر تەلەەنسيكلوپەديا شىعارۋ قورعانىس مينيسترلىگىنىڭ مۇراعاتتارىمەن، اسكەري-تاريحي مۇراجايلارمەن، كىتاپحانالارمەن جانە ر ف ۇ و س قاتىسۋشىلارىنىڭ ارداگەرلىك ۇيىمدارىمەن تىعىز قارىم-قاتىناس جاساي وتىرىپ جۇزەگە اسىرىلۋدا»، - دەپ اتاپ ءوتتى «گەنەرالدار كەڭەسى» رەسپۋبليكالىق قوعامدىق ۇيىمىنىڭ ءتوراعاسى، ادىلەت سالاسىنىڭ گەنەرال-مايورى رۇستەم قايداروۆ.
ونىڭ سوزىنە قاراعاندا، جوبانىڭ ماقساتى - قازاقستاندىقتاردىڭ باتىرلىعى مەن ەرلىگىن ناسيحاتتاۋ، كەڭەس وداعىنىڭ باتىرلارى - 528 قازاقستاندىق جايلى ماڭگىگە ەستەلىك قالدىرۋ.
