قازاقستاندا جىل باسىنان جەمقورلىققا قاتىستى 520 ادام سوتتالدى
ANTIKOR News اقپارات الاڭىندا وتكەن بريفينگىدە سىبايلاس جەمقورلىققا قارسى ءىس- قيمىل اگەنتتىگىنىڭ اسا ماڭىزدى ىستەر جونىندەگى تەرگەۋشىسى دانيار بەگايداروۆ وسىنداي ستاتيستيكا كەلتىردى.
«جىل باسىنان بەرى سىبايلاس جەمقورلىقپەن بايلانىستى قىلمىستىق ىستەر بويىنشا بارلىعى 520 ادام سوتتالدى. ونىڭ ىشىندە 131 ادام پارا العانى ءۇشىن، 222 ادام پارا بەرگەنى ءۇشىن، 12 ادام دەلدالدىق ءۇشىن، 71 ادام الاياقتىق ءۇشىن، 35 ادام اقشا جىمقىرعانى ءۇشىن، 35 ادام لاۋازىمدىق وكىلەتتىكتەرىن تەرىس پايدالانعانى ءۇشىن، 9 ادام بيلىكتى نەمەسە لاۋازىمدىق وكىلەتتىكتەرىن اسىرا پايدالانعانى ءۇشىن سوتقا تارتىلدى»، - دەدى اگەنتتىكتىڭ اسا ماڭىزد ىستەر جونىندەگى تەرگەۋشىسى.
دانيار بەگايداروۆتىڭ ايتۋىنا قاراعاندا، سوتقا تارتىلعانداردىڭ ىشىندە 151 ادام باس بوستاندىعىنان ايىرىلسا، 50 ادامنىڭ باس بوستاندىعى شەكتەلگەن. 308 ادامعا 1,6 ميلليارد تەڭگەدەن استام ەسەلەنگەن ايىپپۇل تاعايىندالدى.
اۆتور: ەسىمجان ناقتىباي
