ەلوردادا 51 جاستاعى ايەل مونشاداعى باسسەينگە باتىپ كەتتى

نۇر-سۇلتان. قازاقپارات - نۇر-سۇلتانداعى تۇران داڭعىلىندا ورنالاسقان «كەرەمەت» مونشا كەشەنىندە ايەلدىڭ دەنەسى تابىلدى، دەپ حابارلايدى قازاقپارات Polisia.kz سايتىنا سىلتەمە جاساپ.

كەشە، 11-ماۋسىم كەشكى ساعات 19:10 شاماسىندا باسسەينگە باتىپ كەتكەن 51 جاستاعى ايەلدىڭ دەنەسى تابىلعان. بۇل تۋرالى حابارلاما 102 قىزمەتىنە كەلىپ ءتۇستى. كەيىن انىقتالعانداي، مارقۇم ەپيلەپسيا دەرتىمەن اۋىراتىن Ⅱ توپ مۇگەدەگى بولىپ شىقتى. ول مونشاعا اناسىمەن بىرگە كەلگەن. قازىرگى ۋاقىتتا سوت-مەديتسينالىق ساراپتاما جاسالۋدا. تەرگەۋ ءجۇرىپ جاتىر.