جارىلىستان 51 ادام مەرت بولدى

استانا. قازاقپارات - يراك استاناسى باعدادتا ءتورت بىردەي جارىلىس بولىپ، 51 ادام قازا تاپتى. تاعى 100 دەن استام تۇرعىن اۋىر جاراقاتپەن اۋرۋحاناعا جەتكىزىلدى، دەپ حابارلايدى khabar.kz.

شاھاردىڭ سولتۇستىك اۋدانىنداعى بازارلاردىڭ بىرىندە جانكەشتى ءوزىن جارىپ جىبەرگەن. اراعا بىرەر ساعات سالىپ، شيتتەر كوپ تۇراتىن ەكى اۋداندا جارىلعىش زات ورناتىلعان كولىكتەر جارىلعان. وسىدان كەيىن جەرگىلىكتى بيلىك وكىلدەرى وقيعا ورنىنداعى جولدارى قورشاۋعا الىپ، وڭىردە كەپتەلىس پايدا بولعان. ءدال وسى كەزدە سودىرلار تاعى ءبىر كولىكتى جارىپ جىبەرەدى.

ازىرگە لاڭكەستىك ارەكەتتى ەشكىم مويىنداعان جوق.