الماتىدا وتكەن دەمالىس كۇندەرى 51 ماس جۇرگىزۋشى ۇستالدى - ءى ءى د
الماتى پوليتسياسى 25-27 - شىلدە ارالىعىندا «ماس جۇرگىزۋشى - قىلمىسكەر» اتتى رەسپۋبليكالىق الدىن الۋ شاراسىن وتكىزگەن بولاتىن. بۇل شارا ىشىمدىك ءىشىپ الىپ، كولىك ايدايتىن جانە جول ەرەجەسىن ورەسكەل بۇزاتىن جۇرگىزۋشىلەر اراسىنداعى جول-كولىك اپاتتارىن بولدىرماۋعا باعىتتالدى.
«قولدانىلىپ جاتقان شارالارعا قاراماستان وكىنىشكە قاراي، ىشىمدىككە نەمەسە ەسىرتكىگە ماسايىپ كولىك ايدايتىندار كەزدەسىپ قالادى. مۇنىڭ ارتى كەي جاعدايدا قايعىلى وقيعالارعا اكەپ سوعادى. بيىل جىل باسىنان بەرى الماتىدا ماس جۇرگىزۋشىلەردىڭ سەبەبىنەن 27 جول-كولىك وقيعاسى بولدى. سولاردىڭ سالدارىنان 3 ادام قازا تاپتى.
ال ءبىز ءوز تاراپىمىزدان، پاترۋلدىك جاساقتاردىڭ سانىن كوبەيتتىك. سونىمەن قاتار، ويىن- ساۋىق مەكەمەلەرى ورنالاسقان اۋماقتاردا تەكسەرۋ شارالارى جۇرگىزىلدى. وسىنداي قۇقىقبۇزۋشىلىقتار ءۇشىن زاڭدىق تۇرعىدا جاۋاپكەرشىلىك ودان سايىن قاتايتىلدى. ەندى بۇل جەردە جۇرگىزۋشىلەردىڭ وزدەرى دە جول ەرەجەسىنىڭ بۇزىلماۋىنا بارىنشا كۇش سالۋلارى قاجەت» - دەدى ءوز سوزىندە الماتى ق. ءى ءى د اكىمشىلىك پوليتسيا باسقارماسىنىڭ باستىعى نۇرلان الماسبەكوۆ.
اتالمىش شارا بارىسىندا الماتى ق. ءى ءى د اكىمشىلىك پوليتسيا باسقارماسىنىڭ دەرەكتەرى بويىنشا، الماتىدا 51 ماس جۇرگىزۋشى ۇستالدى. جالپى وسى كۇندەرى جولدا ءجۇرۋ ەرەجەسىن بۇزعان 3000 جۋىق جۇرگىزۋشى تىركەلدى. ولاردىڭ ىشىندە 469 جۇرگىزۋشى قاۋىپسىزدىك بەلبەۋىن تاقپاسا، 347 جۇرگىزۋشى كولىكتە ۇيالى تەلەفونمەن سويلەسىپ وتىرعان.
بەس جاعدايدا جۇرگىزۋشىلەر قارسى جولاققا شىعىپ كەتكەن. اينەكتەرى تۇمشالانعان 91 اۆتوكولىك انىقتالدى. 21 جۇرگىزۋشى كولىكتى جۇرگىزۋشى كۋالىگىنسىز ايداعان. ودان باسقا، جولدى بەلگىلەنبەگەن جەرمەن كەسىپ وتكەندەرى ءۇشىن 206 جۇرگىنشى جاۋاپقا تارتىلدى.
اۆتور: جاپپاربەرگەن ايبوتا
