02:31, 18 - مامىر 2015 | GMT +5
برازيليالىق 51 جاسىندا 21- رەت انا اتاندى
استانا. قازاقپارات - برازيليانىڭ باسپا ءسوز قۇرالدارى 51 جاستاعى باتىر انانىڭ جاڭا ەرلىگى جايلى جارىسا جازۋدا. جاسى ەلۋدى ەڭسەرگەن 20 بالانىڭ اناسى برازيليالىق ايەل 21- رەت انا اتانىپ وتىر،
دەپ جازادى MIGnews.com.
ول جۇكتىلىك كەزىندە دەنساۋلىعىنا تونگەن قاۋىپكە قاراماستان، ءسابيىن جارىق دۇنيەگە اكەلۋگە بەل بايلاپتى.
ارتەريالدىق قان قىسىمىندا جايسىزدىقتار سەزىنگەن انا ەش قينالماستان دۇنيەگە شەكەسى تورسىقتاي ۇل الىپ كەلدى. ءقازىر ءسابيدىڭ دە، ءوزىنىڭ دە جاعدايى جاقسى. شاقالاقتىڭ سالماعى ءۇش كيلوگرامنان اسىپ تۇسەدى، ال بويى 46,5 سانتيمەتردى قۇراعان. 21 بالانىڭ اناسى 13 جاسىندا العاش رەت انا اتانعانىن ايتادى.
