پرەزيدەنت تاپسىرماسى: بيىل 50 مىڭ الماتىلىق اۋىز سۋمەن قامتاماسىز ەتىلەدى

جىل سوڭىنا دەيىن 50 مىڭ تۇرعىن ورتالىقتاندىرىلعان سۋمەن قامتاماسىز ەتىلەدى، دەپ حابارلايدى قازاقپارات ءتىلشىسى.
مەملەكەت باسشىسى بىلتىر الماتىعا كەلگەن جۇمىس ساپارى بارىسىندا مەگاپوليستەگى اۋىز سۋ ماسەلەسىنە قاتىستى تاپسىرما بەرگەن-ءتىن.
«ءبىرقاتار اۋداندا ورتالىقتان بەرىلەتىن سۋ جوق. الماتىنىڭ 30 مىڭعا جۋىق تۇرعىنى سۋدى تاسىپ ىشەدى. اكىمدىككە 3 جىلدىڭ ىشىندە بارلىق تۇرعىندارعا ورتالىقتان سۋ بەرۋدى تاپسىرامىن. الداعى 2 جىلدا قارعالى، اقساي وزەندەرىنەن سۋ الاتىن 2 ءىرى قۇرىلعىنى ىسكە قوسۋ كەرەك. ناۋرىزباي جانە الاتاۋ اۋداندارىندا سۋ جينايتىن جاڭا ورتالىقتار سالۋ قاجەت. بۇل شارالاردىڭ ارقاسىندا 150 مىڭ ادامعا سۋ بەرىلەدى. «ەرمەنساي» جانە «بارلىق» وزەندەرىنەن سۋ تارتۋ جۇيەسىن دە ىسكە قوسۋ ماڭىزدى. سۋ - تىرشىلىك كوزى. تۇرعىنداردىڭ ءومىر ساپاسى تىكەلەي سۋعا تاۋەلدى. سوندىقتان سۋمەن قامتاماسىز ەتەتىن جاڭا جەلى سالۋ، جاڭعىرتۋ جۇمىسىن باستى نازاردا ۇستاۋ كەرەك»، - دەگەن پرەزيدەنت.
بۇل ماقساتتا وسى جىلدىڭ قازان ايىندا ناۋرىزباي اۋدانىنىڭ شىعىس بولىگىندەگى قارعالى وزەنىندە سۋ جيناۋ قۇرىلعىسىن سالۋ اياقتالادى جانە 50 مىڭ تۇرعىن ساپالى سۋعا قول جەتكىزەدى.
ناۋرىزباي اۋدانىنىڭ باتىس بولىگىنىڭ 100 مىڭعا جۋىق تۇرعىنىن قامىپ، اقساي وزەنىندە سۋ جيناۋ قۇرىلعىسىن سالۋ جالعاسادى.
ونىڭ اياقتالۋ مەرزىمى - 2025-جىلعى قاراشا.
الماتى اكىمدىگىنىڭ مالىمەتىنشە، جالپى ونىمدىلىگى تاۋلىگىنە 50 تەكشە مەتردەن اساتىن ەرمەنساي جانە بارلىق وزەندەرىندە 2 سۋ جيناۋ قۇرىلعىسىنىڭ قۇجاتتامالارى ازىرلەنىپ جاتىر.
بۇل كوزدەر قالانىڭ 2 اۋدانىنىڭ 100 مىڭنان استام تۇرعىنىن سۋمەن قامتيدى.
قابىلدانىپ جاتقان شارالاردىڭ ارقاسىندا 2025-جىلعا قاراي 250 مىڭنان استام ادام، ونىڭ ىشىندە بيىل 50 مىڭ ادام ورتالىقتاندىرىلعان سۋعا قول جەتكىزە الادى.
بۇگىنگى كۇنى مەدەۋ اۋدانىندا سۋ قويماسىنىڭ قۇرىلىسى قارقىندى ءجۇرىپ جاتىر.
رەزەرۆۋاردىڭ قۇرىلىسى الماتى اكىمى ەربولات دوسايەۆتىڭ تاپسىرماسىمەن توتەنشە جاعداي جەلىسى بويىنشا جۇزەگە اسىرىلۋدا.
جوبانىڭ اكىمشىسى - مەدەۋ اۋدانى اكىمدىگىنىڭ اپپاراتى.
«نىسان وتە ماڭىزدى، ونى ىسكە اسىرۋ بيىل مەدەۋ اۋدانىنىڭ وڭتۇستىك بولىگىندەگى ءبىرقاتار شاعىن اۋداندى تۇراقتى سۋمەن قامتاماسىز ەتۋگە مۇمكىندىك بەرەدى. جوبا جالپى سۋ شىعىنى 220 م³/ساع دەيىن ءتورت مەنشىكتى ۇڭعىمانى بۇرعىلاۋدى جانە ءارقايسىسىنىڭ كولەمى 3 مىڭ تەكشە مەتر ەكى ۇلكەن سۋ قويماسىنىڭ قۇرىلىسىن قاراستىرادى. جۇمىس پرينتسيپى - ۇڭعىمالار رەزەرۆۋارلاردى تولتىرادى. وسىلايشا، 20 مىڭعا جۋىق تۇرعىن تۇراقتى سۋمەن قامتاماسىز ەتىلەدى»، - دەپ ءتۇسىندىردى الماتى قالاسى مەدەۋ اۋدانىنىڭ اكىمى.
الماتى قالاسىنىڭ جاڭا باس جوسپارىن ازىرلەۋشىلەردىڭ سوزىنشە، شاھار بويىنشا سۋ قۇبىرى جەلىلەرىنىڭ توزۋى - قازىرگى ۋاقىتتا 54,2 پايىز. تيىسىنشە 1943 شاقىرىم سۋ قۇبىرى جەلىلەرىن اۋىستىرۋ قاجەت. كارىزدەردىڭ توزۋى - %56,6 پايىز، ياعني 1000 ك م- دەن استام جەلىنى جاڭارتۋ كەرەك.
سۋ قۇبىرى مەن قۇرىلعىلار قۇرىلىسىنىڭ ءبىرىنشى كەزەگىن ىسكە اسىرۋ اياسىندا 2030-جىلعا دەيىن قۇيىلاتىن ينۆەستيتسيا كولەمى - 144 ميلليارد تەڭگە.
ينجەنەرلىك ينفراقۇرىلىم قۇرىلىسىنىڭ ەكىنشى كەزەگىنە (2040-جىلعا دەيىن) 257 ميلليارد تەڭگە مولشەرىندە قارجى قاجەت، ونىڭ ىشىندە 1545 كم سۋ قۇبىرى جەلىلەرى بار.
سۋمەن جابدىقتاۋ جۇيەسىن دامىتۋمەن ءبىر مەزگىلدە قالالىق اۋماقتاردى كارىزدەۋ باعدارلاماسىن جەدەل ىسكە اسىرۋ كوزدەلگەن.
ىلە الاتاۋىنىڭ ەتەگىندەگى باۋ- باقشالاردى ساقتاۋ ماسەلەسىنە قاتىستى ماماندار باس جوسپاردا قالانىڭ جاسىل قورىن ساقتاۋ مەن ۇلعايتۋ قاراستىرىلعانىن، تاۋ بوكتەرلەرىن دامىتۋعا قاتاڭ شەكتەۋ ەنگىزىلگەنىن ءتۇسىندىردى.
ساراپشىلاردىڭ سوزىنشە، سوڭعى جىلدارى الەم بويىنشا ەكولوگيالىق وزگەرىستەرگە بايلانىستى الماتىنىڭ جاسىل كەڭىستىگى ناشارلاعان.
سونداي-اق، جاسىل كەڭىستىكتى كۇتىپ ۇستاۋداعى ءبىزدىڭ بۇرىنعى ءادىسىمىز ءوز ماڭىزىن جويدى.
وسىعان بايلانىستى جاڭا تەحنولوگيانى قولدانىپ، قالاعا جاۋىن-شاشىن مول جاۋاتىنى ەسكەرىلۋى كەرەك.