دجو بايدەن سيريا مەن تۇركياداعى جەر سىلكىنىسىنەن زارداپ شەككەندەرگە 50 ميلليون دوللار اۋدارادى
بۇل تۋرالى جۇما كۇنى اق ءۇي تاراتقان مەموراندۋمدا ايتىلعان، دەپ حابارلايدى قازاقپارات تاسس اگەنتتىگىنە سىلتەمە جاساپ.
ا ق ش پرەزيدەنتى «2023-جىلعى اقپاندا تۇركيا مەن سيريادا بولعان جەر سىلكىنىسىنەن بوسقىن جانە ميگرانت بولعانداردىڭ شۇعىل قاجەتتىلىكتەرىن قاناعاتتاندىرۋ ماقساتىندا، ونىڭ ىشىندە حالىقارالىق جانە ۇكىمەتتىك ەمەس ۇيىمدارعا گۋمانيتارلىق كومەك كورسەتۋ ءۇشىن جارنا مەن باسقا دا كومەك ارقىلى قوردان 50 ميلليون دوللاردان اسپايتىن كولەمدە كومەك كورسەتۋ ۇلتتىق مۇددە ءۇشىن ماڭىزدى دەپ سانايتىنىن» اتاپ ءوتتى.
7,7 جانە 7,6 بالدىق جەر سىلكىنىسى 6- اقپاندا تۇركيانىڭ وڭتۇستىك-شىعىسىنداعى كاحرامانماراش پروۆينتسياسىندا توعىز ساعاتتىق ينتەرۆالمەن بولدى.
جەر استى دۇمپۋلەرى، سودان كەيىنگى جۇزدەگەن افتەرشوك رەسپۋبليكانىڭ 10 پروۆينتسياسىندا جانە كورشى ەلدەردە، سونىڭ ىشىندە ەڭ كوپ زارداپ شەككەن سيريادا سەزىلدى.
20- اقپاندا حاتاي پروۆينتسياسىندا ماگنيتۋداسى 6,4 جانە 5,8 بولاتىن ەكى ءزىلزالا بولدى.
تۇركيادا قۇربان بولعاندار سانى 44218 ادامدى قۇرادى.
