الەمدەگى 50 ميلليون ادام نەكە مەن ەڭبەككە ءماجبۇرلى تارتىلۋدا – ب ۇ ۇ

مۇنداي باياندامانى حالىقارالىق ەڭبەك ۇيىمى (ح ە ۇ)، حالىقارالىق كوشى- قون ۇيىمى (ح ك ق ۇ) جانە «ەركىن بول» حالىقارالىق قۇقىق قورعاۋ توبى بىرلەسىپ جاريالادى. بۇل تۋرالى قازاقپارات ب ۇ ۇ جاڭالىقتار سايتىنا سىلتەمە جاساپ حابارلايدى.

زەرتتەۋ اۆتورلارىنىڭ تۇجىرىمدارىنا ح ە ۇ باس ديرەكتورى گاي رايدەر تۇسىنىكتەمە بەردى.

«جاعدايدىڭ جاقسارماي جاتقانى شوشىتادى. ادامنىڭ ىرگەلى قۇقىقتارىنىڭ مۇنداي بۇزىلۋىنا ەشقانداي سەبەپ جوق». 2016 -جىلى جاسالعان باعالاۋلارمەن سالىستىرعاندا، 2021 -جىلى قازىرگى قۇلدىقتا 10 ميلليون ادام كوپ بوعان، ەڭ قيىنى ايەلدەر مەن بالالار ءۇشىن. ءماجبۇرلى ەڭبەكتىڭ 86 پايىزى جەكە سەكتوردا قولدانىلادى، ال ونىڭ 23 پايىزى «ءماجبۇرلى كوممەرتسيالىق جىنىستىق پايدالانۋعا» تيەسىلى»، - دەيدى ول.

سونىمەن قاتار ول مەملەكەت ماجبۇرلەيتىن جۇمىس ۇلەسى 14 پايىزدى قۇرايدى، ال ءاربىر سەگىزىنشى جاعدايدا بالالاردى جۇمىسقا ماجبۇرلەيدى.

وتكەن جىلى مالىمەت بويىنشا ءماجبۇرلى نەكەدە 22 ميلليون ادام ءومىر سۇرۋدە. بۇل بەس جىل بۇرىنعى كورسەتكىشتەن 6,6 ميلليونعا كوپ. ءبىراق ءىس جۇزىندە مۇنداي ءماجبۇرلى نەكە سانى، اسىرەسە 16 جاسقا دەيىنگى بالالارعا قاتىستى، الدەقايدا جوعارى بولۋى مۇمكىن. كامەلەتكە تولماعاندارمەن نەكە، ەگەر بالا نەكەگە زاڭدى تۇردە كەلىسە الماسا، ءماجبۇرلى دەپ سانالادى.

فوتو موت/ج. مايار