11:38, 13 - شىلدە 2022 | GMT +5
كوكشەتاۋ پوليتسەيلەرى 50 مىڭ دوللار الدى دەگەن كۇدىككە ءىلىندى
نۇر-سۇلتان. قازاقپارات - سىبايلاس جەمقورلىققا قارسى قىزمەت كوكشەتاۋ قالاسى پوليتسيا باسقارماسىنىڭ لاۋازىمدى تۇلعالارىنا قاتىستى باسقا ورگاننىڭ ءىس جۇرگىزۋىندە جاتقان قىلمىستىق ءىستى توقتاتقانى ءۇشىن كاسىپكەردەن 50 مىڭ ا ق ش دوللارى سوماسىندا اقشا الۋ فاكتىسى بويىنشا سوتقا دەيىنگى تەرگەۋ جۇرگىزۋدە، - دەپ حابارلايدى قازاقپارات.
انتيكوردىڭ مالىمەتىنشە، 8 -شىلدە كۇنى جۇرگىزىلگەن جەدەل- تەرگەۋ ءىس- شارالارىنىڭ ناتيجەسىندە ق پ ك-تىڭ 128-بابى تارتىبىمەن كوكشەتاۋ قالاسى پوليتسيا باسقارماسى باستىعىنىڭ ورىنباسارى ۇستالدى.
«9 -شىلدە كۇنى كوكشەتاۋ قالاسىنىڭ تەرگەۋ سوتى كۇدىكتىگە قاتىستى «كۇزەتپەن ۇستاۋ» تۇرىندەگى بۇلتارتپاۋ شاراسىن سانكسيالادى. قازىرگى ۋاقىتتا سوتقا دەيىنگى تەرگەۋ جۇرگىزىلۋدە. تەرگەۋ مۇددەسىنە سايكەس، وزگە اقپارات جاريا ەتۋگە جاتپايدى»، - دەپ جازدى ۆەدومستۆو.
