ماڭعىستاۋ وبلىسىندا سۇيىتىلعان گاز قۇنى 50 تەڭگەگە تومەندەتىلەدى - ۇكىمەت كوميسسياسى
اقتاۋ. قازاقپارات - ۇكىمەت كوميسسياسى اقتاۋ قالاسىنداعى ىنتىماق الاڭىنا جينالعان بەلسەندىلەرمەن كەزدەستى، دەپ حابارلايدى قازاقپارات ۇكىمەتتىڭ باسپا ءسوز قىزمەتىنە سىلتەمە جاساپ.
كەزدەسۋدە اقتاۋ قالاسىنىڭ باستاماشىل توبىمەن كەلىسسوزدەر بارىسىندا قابىلدانعان شەشىمدەر جاريالاندى.
اتاپ ايتقاندا، «قازمۇنايگاز» ۇ ك ا ق الەۋمەتتىك جاۋاپكەرشىلىگى اياسىندا ماڭعىستاۋ وبلىسىندا سۇيىتىلعان گاز قۇنىن تومەندەتۋ جانە ليترىنە باعاسىن 50 تەڭگەدەن بەلگىلەۋ تۋرالى ايتىلدى. سونداي- اق، الاڭدا بولعان ادامداردى جاۋاپكەرشىلىككە تارتپاۋ تۋرالى كەپىلدىك بەرىلدى. سونداي- اق، تاراپتار تۋىنداعان بارلىق ماسەلەلەردى سىندارلى ديالوگ اياسىندا جانە قولدانىستاعى زاڭناما شەڭبەرىندە شەشۋگە كەلىستى.
