ەرالى توعجانوۆ: 50 مىڭ بالانى تەگىن سپورت ۇيىرمەسىمەن قامتىدىق
شارانىڭ باسىندا ءسوز سويلەگەن ق ر پرەمەر- ءمينيسترىنىڭ ورىنباسارى ەرالى توعجانوۆ بۇقارالىق سپورتتى دامىتۋ باعىتىنداعى اتقارىلىپ جاتقان شارۋالارعا توقتالدى.
«مەملەكەت باسشىسى قاسىم- جومارت توقايەۆ ەلىمىزدە سپورتتىڭ دامۋىنا ەرەكشە كوڭىل ءبولىپ وتىر. ونىڭ تىكەلەي تاپسىرماسى بويىنشا ۇكىمەت سپورت سالاسىن، ونىڭ ىشىندە بۇقارالىق سپورتتى دامىتۋ باعىتىندا بىرنەشە ناقتى جۇمىستار اتقارىلۋدا. وسىعان بايلانىستى ءبىراز ءىس- شارانى وزدەرىڭىزبەن بىرگە جۇرگىزەمىز دەگەن ۇلكەن سەنىمدەمىز. جىل سوڭىنا دەيىن ەلباسىنىڭ ەڭ مۇقتاج قالالار مەن اۋىلداردا 100 دەنە شىنىقتىرۋ- ساۋىقتىرۋ كەشەنىن سالۋ تۋرالى باستاماسىن ىسكە اسىرۋ جۇمىستارىن اياقتاۋ جوسپارلانعان»، - دەگەن ۆيتسە- پرەمەر مامىر ايىنان باستاپ مەملەكەتتىك سپورت تاپسىرىسى ىسكە قوسىلعانىن ەسكە سالدى.
«ءبىرىنشى كەزەڭنىڭ وزىندە عانا بۇل جۇيە 50 مىڭ بالانى تەگىن سپورت ۇيىرمەسىمەن قامتۋعا مۇمكىندىك بەردى. 3,5 مىڭ سپورت نۇسقاۋشىسىن دايىنداۋ جۇمىسى ءجۇرىپ جاتىر. ءار اۋىلدىق وكرۋگتە حالىق سپورتپەن قامتىلادى. «سالاماتتى ۇلت» ۇلتتىق جوباسى اياسىندا 2025 -جىلعا قاراي سپورتپەن جۇيەلى اينالىساتىن حالىقتىڭ ۇلەسىن 31 پايىزدان 50 پايىزعا دەيىن كوتەرۋ ماقساتى قويىلىپ وتىر. ءبىز بۇل ماقساتقا قول جەتكىزۋ وڭاي بولمايتىنىن تۇسىنەمىز. ءبىراق بۇل باعىتتا بارلىق اكىمدەرگە اۋقىمدى جۇمىس باستاۋ كەرەك بولادى. بۇل باعىتتا ءبىرقاتار ناقتى ۇسىنىستار ايتىلعان. وسى شارالاردىڭ ءبارى بۇقارالىق سپورتتىڭ دامۋىنا عانا ەمەس، تالانتتى سپورتشىلاردى دايىنداۋعا دا ىقپال ەتەدى دەپ ويلايمىز»، - دەدى ەرالى توعجانوۆ.
اۆتور: ەسىمجان ناقتىباي
