تۇرمىسى تومەن توپتان شىققان 50 مىڭ بالاعا كوللەدجدە وقۋ گرانتى بەرىلدى
وتكەن جىلمەن سالىستىرعاندا جەڭىلدىكتەر بويىنشا وقۋعا تۇسكەن تالاپكەرلەردىڭ سانى 16 مىڭعا ارتتى. بۇل كۆوتا ساناتتارىنىڭ ءتىزىمىن كەڭەيتۋدىڭ ناتيجەسىندە مۇمكىن بولىپ وتىر.
«مەملەكەت باسشىسىنىڭ تاپسىرماسى بويىنشا بيىل العاش رەت ازاماتتاردىڭ الەۋمەتتىك وسال توپتارىنان شىققان بالالاردىڭ كوللەدجدەرگە ءتۇسۋى ءۇشىن كۆوتالار ەنگىزىلدى. بۇل جەتىم بالالار، اتا- اناسىنىڭ قامقورلىعىنسىز قالعان بالالار، كوپبالالى جانە تولىق ەمەس وتباسىلاردان شىققان بالالار، مۇگەدەك بالالار، مۇگەدەك بالالاردى تاربيەلەپ وتىرعان وتباسىلاردان شىققان بالالار، سونداي- اق ۇوس قاتىسۋشىلارى مەن مۇگەدەكتەرىنە جەڭىلدىكتەر بويىنشا تەڭەستىرىلگەن ادامدار. سونداي- اق كۆوتا بويىنشا مەملەكەتتىك ءبىلىم گرانتتارىن اۋىل جاستارى دا يەلەندى»، - دەپ اتاپ ءوتتى ق ر ب ع م تەحنيكالىق جانە كاسىپتىك ءبىلىم دەپارتامەنتىنىڭ ديرەكتورى ناسىمجان وسپانوۆا.
بيىل ەلىمىزدەگى كوللەدجدەرگە 9-11 سىنىپتاردىڭ 95 مىڭنان استام تۇلەگى وقۋعا ءتۇستى. اسىرەسە، مەديتسينالىق جانە شىعارماشىلىق ماماندىقتار سۇرانىسقا يە بولدى.
بيىل كوللەدجدەرگە قابىلداۋ 25-ماۋسىمدا باستالىپ، 31-تامىزعا دەيىن جالعاستى. گرانتتار «اقشا ستۋدەنتپەن بىرگە جۇرەدى» قاعيداتى بويىنشا ءبولىندى، بۇل ورىن العان جاڭاشىلدىقتاردىڭ ءبىرى. ياعني، ەگەر بۇرىن- سوڭدى مەملەكەتتىك تاپسىرىس ورىندارىن كوللەدجدەر بويىنشا كوميسسيا بولەتىن بولسا، ەندى بۇل پروتسەسس بارىنشا اشىق بولا ءتۇستى.
جاڭا ەرەجەگە سايكەس، تالاپكەر قاي كوللەدجدى تاڭداسا، بيۋدجەت قاراجاتى دا سول وقۋ ورنىنا باعىتتالادى. سونىمەن قاتار ەگەر بۇرىن تالاپكەرلەر تەك 1 ماماندىق پەن 1 كوللەدجدى عانا تاڭداي السا، بيىل تۇلەكتەرگە 4 ماماندىق پەن 4 كوللەدجدى تاڭداۋ مۇمكىندىگى بەرىلدى. گرانتتاردى ءبولۋ اقپاراتتىق جۇيەلەر ارقىلى جۇزەگە اسىرىلدى. بۇل دا اشىقتىقتى قامتاماسىز ەتۋگە باعىتتالعان.