اسقار مامين: ءبىلىم گرانتتارىنىڭ سانى 50 پايىزعا ارتادى
«جوعارى ءبىلىم قولجەتىمدى بولۋ ءۇشىن 2025 -جىلعا قاراي گرانتتار سانى 50 پايىزعا ارتادى. جىل سايىن جاس عالىمدارعا 1000 گرانت ءبولىنىپ، 500 قازاقستاندىق عالىم الەمگە تانىمال عىلىمي ورتالىقتاردا تاعىلىمدامادان وتە الادى. مەملەكەت باسشىسىنىڭ تاپسىرماسى بويىنشا وسى جىلعى ساۋىردە ۇزدىكسىز ءبىلىم بەرۋ تۇجىرىمداماسى قابىلدانادى»، - دەدى اسقار مامين.
ۇكىمەت باسشىسى ءبىلىم جانە عىلىم مينيسترلىگى ءبىلىم بەرۋ سالاسىنداعى ۇلتتىق جوبالاردى ازىرلەۋ كەزىندە ەلباسىنىڭ، مەملەكەت باسشىسىنىڭ، Nur Otan پارتياسىنىڭ بارلىق تاپسىرمالارىنىڭ ىسكە اسىرىلۋىن قامتاماسىز ەتۋى قاجەتتىگىن باسا ايتتى.
«قويىلعان ماقساتتارعا قول جەتكىزۋ ءۇشىن كۇندەلىكتى اۋقىمدى جۇمىس ىستەۋ كەرەك. اكىمدەردىڭ جەكە جاۋاپتى ەكەنىن نازاردا ۇستاڭىزدار، سەبەبى Nur Otan پارتياسى باعدارلاماسىنىڭ ۋاقتىلى ورىندالۋى وڭىرلەردەگى جۇمىستىڭ ساپالى اتقارىلۋىنا بايلانىستى»، - دەدى پرەمەر- مينيستر.
«جوعارى ءبىلىم بەرۋدە كاسىپتىك ستاندارتتار نەگىزىندە ءبىلىم بەرۋ باعدارلامالارىن 100 پايىز جاڭارتۋ مىندەتى تۇر. QS WUR رەيتينگىسىنە كىرەتىن قازاقستاندىق جوعارى وقۋ ورىندارىنىڭ سانى 15 كە دەيىن ارتادى. 5 جىلدىڭ ىشىندە رەسپۋبليكا اۋماعىندا 5 جەتەكشى شەتەلدىك جوعارى وقۋ ورنىنىڭ كامپۋستارىن اشۋ جوسپارلانۋدا»، - دەدى مينيستر اسحات ايماعامبەتوۆ .
ونىڭ اتاپ وتۋىنشە، ستۋدەنتتەردى جاتاقحانالارداعى ورىندارمەن قامتاماسىز ەتۋ ءۇشىن 2020 -جىلى 20 مىڭ ورىندىق 75 جاتاقحانا پايدالانۋعا بەرىلدى. 2025 -جىلعا قاراي كەمىندە 50 مىڭ جاڭا ورىن پايدالانۋعا بەرىلەدى.
«جوعارى ءبىلىم الۋعا قولجەتىمدىلىكتى كەڭەيتۋ ءۇشىن 2025 -جىلعا دەيىن گرانتتار سانى 50 پايىزعا ارتادى. گرانتتاردىڭ بىرنەشە تۇرلەرى ەنگىزىلەدى. مەملەكەت باسشىسىنىڭ تاپسىرماسى بويىنشا سوڭعى ءبىر جىلدىڭ ىشىندە ستۋدەنتتەرگە ارنالعان ستيپەنديالار مولشەرى 25، دوكتورانتتارعا 83 پايىزعا ۇلعايتىلدى. ەندى 2025 -جىلعا دەيىن ستۋدەنتتەردىڭ ستيپەندياسى تاعى 2 ەسەگە، ماگيسترانتتار مەن دوكتورانتتاردىڭ ستيپەندياسى 1,5 ەسەگە ارتادى»، - دەدى اسحات ايماعامبەتوۆ.
كوللەدجدەردە وقۋ مەرزىمى قىسقارتىلادى.
«تەحنيكالىق جانە كاسىپتىك ءبىلىم بەرۋ سالاسىندا بارلىق جاسقا قاجەتتى ماماندىقتار بويىنشا كوللەدجدەردە تەگىن وقۋعا مۇمكىندىك بەرىلەدى. 2017 -جىلدان بەرى تەگىن تەحنيكالىق ءبىلىم بەرۋمەن قامتۋ ۇلعايدى. ءبىراق ءالى دە 50 مىڭعا جۋىق ستۋدەنت اقىلى بولىمگە وقۋعا تۇسەدى. وسىعان وراي 2025 -جىلعا دەيىن جاستاردى كەزەڭ- كەزەڭمەن % 100- عا دەيىن تەحنيكالىق بىلىممەن قامتۋ جوسپارلانۋدا. ول ءۇشىن مەملەكەتتىك تاپسىرىس كولەمى 50 مىڭعا دەيىن كەزەڭ- كەزەڭمەن ۇلعاياتىن بولادى»، - دەدى مينيستر.
ونىڭ اتاپ وتۋىنشە، كوللەدجدەرگە اكادەميالىق دەربەستىكتى ەنگىزۋ بويىنشا جۇمىس قولعا الىندى. بۇگىنگى كۇنى زاڭنامالىق دەڭگەيدە ۋاكىلەتتى ورگاننىڭ كوللەدجدەردە وقۋ مەرزىمدەرىن بەلگىلەۋى تۋرالى نورما الىپ تاستالدى.
«9-سىنىپ نەگىزىندە كوللەدجگە تۇسكەندەر ءۇشىن وقۋ مەرزىمىن ءۇش جارىم جىلدان 2 جىلعا دەيىن جانە 11-سىنىپ نەگىزىندە ەكى جارىم جىلدان 1,5 جىلعا دەيىن قىسقارتۋ جوسپارلانۋدا. بۇل نارىققا كادرلاردى دايارلاۋ مەرزىمىن قىسقارتىپ، ونىڭ ساپاسىن ارتتىرىپ، ءبىلىم باعدارلامالارىن جاڭارتۋعا مۇمكىندىك بەرەدى»، - دەدى اسحات ايماعامبەتوۆ.
سونىمەن قاتار ول «جاس مامان» جوباسى اياسىندا 180 كوللەدجدىڭ ينفراقۇرىلىمىن جاڭعىرتۋ بيىل اياقتالاتىندىعىن ايتتى.
«جوبانىڭ قورىتىندىسى بويىنشا ءاربىر وڭىردە دامىعان ماتەريالدىق- تەحنيكالىق بازاسى، جاڭا وقۋ جوسپارلارى مەن باعدارلامالارى بار كەمىندە 7 زاماناۋي كوللەدج جۇمىس ىستەيتىن بولادى. جەرگىلىكتى اتقارۋشى ورگاندارمەن بىرلەسىپ، كوللەدجدەردى سەنىمگەرلىك باسقارۋ تەتىگىن دامىتۋدامىز. وسى جۇمىس ءارى قاراي جالعاسادى»، - دەدى مينيستر.
اۆتور: مارلان جيەمباي
