13:01, 04 - ناۋرىز 2021 | GMT +6
نۇر-سۇلتانداعى كارانتين: قىزمەتكەرلەردىڭ 50 پايىزى قاشىقتان جۇمىس ىستەۋى ءتيىس
نۇر-سۇلتان. قازاقپارات - ەل استاناسىندا كارانتيندىك شەكتەۋلەرگە بايلانىستى قىزمەتكەرلەردىڭ جارتىسى قاشىقتان جۇمىس ىستەۋى ءتيىس.
بۇل تۋرالى شەكتەۋ جانە كارانتيندىك شارالارى تۋرالى نۇر- سۇلتان قالاسىنىڭ باس مەملەكەتتىك سانيتاريالىق دارىگەرى س. بەيسەنوۆانىڭ قاۋلىسىندا كورسەتىلگەن، دەپ حابارلايدى قازاقپارات قالا اكىمدىگىنىڭ رەسمي سايتىنا سىلتەمە جاساپ.
«ەندى بارلىق ۇيىمدار، كاسىپورىندار قىزمەتكەرلەرىنىڭ كەمىندە %50 قاشىقتىقتان جۇمىس ىستەۋى ءتيىس. ال فۋدكورتتاردىڭ جۇمىسى شتاتتىق رەجيمدە تەك تاماقتى جەتكىزۋگە جانە شىعارۋعا رۇقسات ەتىلەدى»، - دەلىنگەن قاۋلىدا.