زەينەتاقى جيناعىن پايدالانۋ: 50 مىڭ ادامنىڭ ارنايى شوتىنا جاقىن كۇندەرى قارجى اۋدارىلادى
بۇل تۋرالى «وتباسى بانك» ا ق ءتوراعاسى ءلاززات يبراگيموۆا و ك ق- دا وتكەن باسپا ءسوز ءماسليحاتىندا ءمالىم ەتتى، دەپ حابارلايدى قازاقپارات ءتىلشىسى.
«ب ج ز ق پورتالى مەن ءبىزدىڭ بانكتىڭ پورتالىنا بۇگىنگە دەيىن 80 مىڭنان استام ءوتىنىش ءتۇستى. ونىڭ ىشىندە 50519 ءوتىنىش يەسى تۋرالى ايتار بولساق، قازىر ولار جەكە كابينەتىنە كىرسە، وندا ب ج ز ق ءوتىنىشىن قاراۋعا قابىلداعانى تۋرالى جاڭالىقتى كورە الادى. قاراۋ مەرزىمى 3-تەن 5 كۇنگە دەيىن سوزىلادى. 50 مىڭ سالىمشى ءىس جۇزىندە ءبىرىنشى كەزەڭنەن ءوتتى. ولاردىڭ ءوتىنىشى ارنايى شوتقا اقشا اۋدارۋ ساتىسىندا تۇر. ونىڭ 8 مىڭى - كەشە ساعات 16:00-گە دەيىن وزدەرىنىڭ ارنايى شوتتارىنداعى اقشانى كوردى. بۇل ءموبيلدى قوسىمشادا كورىنىپ تۇر»، - دەپ ءتۇسىندىردى ءلاززات يبراگيموۆا.
ول سونىمەن قاتار ب ج ز ق- نىڭ ءوتىنىمدى قابىلداعانى تۋرالى ستاتۋستى كورگەن ازاماتتار ءوزىنىڭ ارنايى شوتىنداعى سومانى كورە الاتىنىن، ول ءۇشىن تۇرعىن ءۇي جيناق بانكى ءموبيلدى قوسىمشاسىنا كىرۋى كەرەكتىگىن ەسكەرتتى.
ەسكە سالساق، 2021 -جىلى 2-قاڭتاردا ق ر پرەزيدەنتى قاسىم-جومارت توقايەۆ زەينەتاقى جيناعىنىڭ ءبىر بولىگىن ماقساتتى پايدالانۋعا قاتىستى زاڭعا قول قويدى. قازاقستاندىقتاردىڭ زەينەتاقى جيناقتارىن پايدالانۋ ءۇشىن جاڭارتىلعان «جەتكىلىكتىلىك شەگى» جاريالاندى.
زەينەتاقى جيناعىنان الۋعا بولاتىن سوما ب ج ز ق سايتىندا اۆتوماتتى تۇردە كورسەتىلەدى. 23 -قاڭتاردان قازاقستاندا زەينەتاقىنىڭ ءبىر بولىگىن الۋعا ءوتىنىم قابىلداۋ باستالدى. ارنايى پورتالدا زەينەتاقىنىڭ ءبىر بولىگىن الۋعا ءوتىنىم قابىلداۋ باستالعالى ءۇش ساعاتتىڭ ىشىندە 4 مىڭنان استام ادام ءوتىنىش بەردى.