لوس- اندجەلەستە 50 گرۋداسقا جۋىق اپتاپ ىستىق تىركەلدى
لوس- اندجەلەس. قازاقپارات - ۆۋدلەند- حيللزدا (ا ق ش، لوس- اندجەلەس قالاسىنىڭ وكرۋگى) اۋا تەمپەراتۋراسى ەڭ جوعارى كورسەتكىشكە 49.4 سەلسي گرادۋسقا (فارەنگەيت بويىنشا 121 گرادۋس) جەتتى، دەپ حابارلايدى قازاقپارات ءتىلشىسى Los Angeles Times قا سىلتەمە جاساپ.
ا ق ش- تىڭ ۇلتتىق مەتەورولوگيالىق قىزمەتى حابارلاعانداي، وتكەن جەكسەنبىدە اۋا تەمپەراتۋراسى ۆۋدلەند- حيللز وكرۋگىندە 49,4 سەلسي گرادۋسقا دەيىن كوتەرىلىپ، رەكوردتىق كورسەتكىش تىركەلگەن. وسى كۇنگە دەيىنگى ەڭ ىستىق اي 2006 -جىلدىڭ شىلدەسى بولاتىن. ول كەزدە اۋا تەمپەراتۋراسى 48,3 سەلسيا گرادۋسقا دەيىن كوتەرىلگەن ەدى. سونداي- اق، ۆۋدلەند- حيللزتەن باسقا، بۇل كۇنى كاليفورنيا شتاتىنداعى لوس- اندجەلەس قالاسىنىڭ باسقا وكرۋگتەرىندە دە رەكوردتار جاڭارتىلعان. مىسالى، ريۆەرسايد وكرۋگىندە اۋا تەمپەراتۋراسى 47,2 سەلسيا گرادۋسقا جەتتى، بۇل قىركۇيەك ايىنداعى ەڭ جوعارعى كورسەتكىش بولدى.
كاليفورنيا شتاتىنداعى سانتا- انا وكرۋگىندە اۋا تەمپەراتۋراسى 41,1 سەلسي گرادۋسقا دەيىن كوتەرىلدى، بۇل - كۇندىزگى ەڭ جوعارى دەڭگەي. سونداي- اق، جوعارى تەمپەراتۋرا ەسكونديدو (46,1 سەلسي گرادۋس)، پاسو روبلسب (47,2)، ايديلۋايلد (40) جانە چينو (49,4) قالالارىندا بايقالدى. شتاتتىڭ باسىم بولىگىندە جوعارى تەمپەراتۋرا ساقتالاتىنى اتاپ ءوتىلدى. دەگەنمەن، دۇيسەنبىدەن باستاپ اۋا تەمپەراتۋراسى 10 گرادۋسقا تومەندەيدى. شتات اكىمشىلىگى تۇرعىندارعا اپتاپ ىستىققا بايلانىستى ەلەكتر قۋاتىنىڭ ءوشۋى مۇمكىن ەكەنىن ەسكەرتتى. كاليفورنيا ەلەكتر جەلىسىنىڭ وپەراتورى (California Independent System Operator) توتەنشە جاعدايدىڭ 2-كەزەڭىن جاريالادى جانە جەكسەنبىدە ەلەكتر قۋاتىن قايتا وشىرىلەتىنى تۋرالى حابارلادى.
