قىتايدا جاسالعان مەديتسينالىق 50 مىڭ دانا ماسكانى زاڭسىز ساتپاق بولعاندار ۇستالدى

پاۆلودار وبلىسى. قازاقپارات - پاۆلودار وبلىسىندا مەديتسينالىق ماسكالاردى زاڭسىز ساتۋدىڭ جولى كەسىلدى.

بۇل تۋرالى قازاقپارات قارجى مونيتورينگى كوميتەتىنە سىلتەمە جاساپ حابارلايدى. اعىمداعى جىلدىڭ 23- شىلدەسىندە پاۆلودار قالاسى پروكۋراتۋراسىنىڭ ۇيلەستىرۋىمەن ق ر ق م قارجى مونيتورينگى كوميتەتىنىڭ پاۆلودار وبلىسى بويىنشا ەكونوميكالىق تەرگەۋ دەپارتامەنتى قىزمەتكەرلەرى پاۆلودار قالاسى پوليتسيا باسقارماسىمەن بىرلەسىپ جەدەل-ىزدەستىرۋ ءىس-شارالارى بارىسىندا زاڭسىز كاسىپكەرلىكپەن اينالىسۋ فاكتىسىن انىقتادى.

اتاپ ايتقاندا، جەكە تۇلعانىڭ ءتيىستى قۇجاتتارسىز (تىركەۋ كۋالىگى، ۇلتتىق ساراپتاما ورتالىعىنىڭ ءونىم قاۋىپسىزدىگى جانە ساپا سەرتيفيكاتى جانە ت. ب.) 50 مىڭ قىتايدا جاسالعان مەديتسينالىق ماسكانى زاڭسىز ساتۋ فاكتىسىنىڭ جولى كەسىلدى.

تەكسەرىس كەزىندە انىقتالعانداي، مەديتسينالىق ماسكالار وندىرۋشىلەرمەن قازاقستان ءۇشىن جاسالماعان جانە تيىسىنشە دارىلىك زاتتار مەن مەديتسينالىق بۇيىمداردى اكەلۋ جانە اكەتۋ ەرەجەلەرىن بۇزۋ جولىمەن اكەلىنگەن.

اتالعان فاكتى بويىنشا ماتەريالدىق اكىمشىلىك ءىس قوزعالدى.