13:50, 11 - مامىر 2020 | GMT +5
مەملەكەتتىك قىزمەتشىلەردىڭ 50 پايىزى قاشىقتان جۇمىس ىستەي بەرەدى
نۇر-سۇلتان. قازاقپارات - مەملەكەتتىك قىزمەتشىلەردىڭ 50 پايىزى قاشىقتان جۇمىس ىستەي بەرەدى.
بۇل تۋرالى مەملەكەت باسشىسى قاسىم-جومارت توقايەۆ توتەنشە جاعداي رەجيمىن قامتاماسىز ەتۋ جونىندەگى مەملەكەتتىك كوميسسيانىڭ وتىرىسىندا ءمالىم ەتتى، دەپ حابارلايدى قازاقپارات.
«مەملەكەتتىك قىزمەتشىلەردىڭ 50 پايىزى قاشىقتان جۇمىس ىستەي بەرەدى. جەكە كاسىپورىن باسشىلارى قانشا قىزمەتكەردى جۇمىسقا شىعاراتىنىن وزدەرى انىقتاۋعا ءتيىس. جۇرتتىڭ كوبى ءالى دە ۇيدە وتىرا تۇرعانى دۇرىس بولار ەدى. بۇل - ەڭ الدىمەن، ادامداردىڭ قاۋىپسىزدىگىنە بايلانىستى ماسەلە»، - دەدى پرەزيدەنت. وسى ورايدا مەملەكەت باسشىسى جۇمىس ورنىندا الەۋمەتتىك اراقاشىقتىق جانە قاتاڭ سانيتارلىق رەجيم ساقتالۋى قاجەت ەكەنىن اتاپ ءوتتى.
