فۋتبول: «استانا» ەۋروپاداعى ۇزدىك 50 كلۋبتىڭ قاتارىنا ەندى

استانا. قازاقپارات - «استانا» ەۋروپا ليگاسى توپتىق كەزەڭىنىڭ 4-تۋرى اياسىندا ءوز الاڭىندا چەحيانىڭ «يابلونەتس» كومانداسىن 2:1 ەسەبىمەن جەڭدى.

بۇل جەڭىس ەلوردالىقتاردىڭ ۋەفا رەيتينگىندە جوعارىلاۋىنا جاعداي جاسادى، دەپ حابارلايدى قازاقپارات Sports.kz-كە سىلتەمە جاساپ.

وسى جەڭىستەن كەيىن گريگوري بابايان جاتتىقتىراتىن «استانا» ۋەفا كلۋبتار رەيتينگىندە 50-ورىنعا كوتەرىلدى. «استانانىڭ» ەنشىسىندە قازىر 27,5 ۇپاي بار. بۇل كورسەتكىشپەن ەلوردالىق ۇجىم چەحيانىڭ «ۆيكتوريا پلزەن» (27) كومانداسىنان الدا، تۇركيانىڭ «فەنەرباحچە» (28,5) كلۋبىنان كەيىن تۇر.

ايتا كەتەيىك، ءتورت تۋردان كەيىن «ك» توبىندا كوش باستاپ تۇرعان كيەۆتىڭ «ديناموسى» «استانامەن» بىردەي - 8 ۇپاي جيناعان، تەك گولدار ايىرماسى عانا ييەۆتىكتەردى ءبىرىنشى ورىنعا شىعاردى. 3 ۇپايمەن «رەنن» ءۇشىنشى ورىندا تۇر، ال «يابلونەتس» 2 ۇپايمەن كوش سوڭىندا كەلەدى.