قىتايدا 50 جاستاعى ليۋ ەلين ءوزىنىڭ نە سەبەپتى جاس كورىنەتىنىن جاريا ەتتى

  استانا. قازاقپارات - قىتايدا 50 جاستاعى ليۋ ەلين ءوزىنىڭ نە سەبەپتى جاس كورىنەتىنىن جاريا ەتتى. ايتۋنىشا، ول 30 جىلدان بەرى سپورتپەن اينالىسىپ كەلەدى.

 ادەتتە سۋىقتا جاتتىعۋ جاساعان. اشىق باسسەيندەرگە شومىلادى. ءتىپتى قىس كەزىندە دە سپورتپەن اينالىسادى.

ليۋ ەلين 40 شاقىرىمدىق مالاككالىق بۇعازدى ءجۇزىپ ءوتىپ، 4,5 شاقىرىمنان پاراشيۋتپەن سەكىرگەن. 30 گرادۋستى ايازدا يوگامەن اينالىسقان. كىتاپحاناشى رەتىندە زەينەتكە شىعىپ، فيليپپيندەگى جاعاجايدا فريدايۆينگ دارىستەر جۇرگىزدى.

«مەن ۇنەمى تەڭىزدى جاقسى كوردىم. اكۆالانكپەن جۇزە الام. ءبىراق ەندى ەشقانداي قۇرالسىز نەعۇرلىم تەرەڭدىكتە ءجۇزىپ كورگىم كەلەدى. » ، - دەيدى ول.

سۋ استىندا ءۇش مينۋتقا دەيىن تىنىس الماۋدىڭ قيىن ەكەنىن ايتادى.

ونىڭ بيزنەستەگى ارىپتەسى تەگان ءشيدىڭ ايتۋىنشا، بۇرىن قىتايدا اپپاق، نازىك قىزدار سۇلۋ سانالاتىن. قازىر ولاي ەمەس.

«قازىر ەلين بۇل قاعيدانى بۇزدى. ول وتە باتىل. جاڭاشا نارسەنى ۇيرەنۋدەن قورىقپايدى. ەر جۇرەكتىگى كورىنىپ تۇرادى» ، - دەيدى ول.

ەلين الەمدى ارالاپ، ادەمى كۋپالنيكتەرمەن ءجۇرۋدى ارماندايدى. ول 80 جاسقا دەيىن سىمباتى ساقتالاتىنىنا سەنىمدى. 23 جاستاعى ۇلىنىڭ ايتۋىنشا، كوپ ادام اناسىن سۇيىكتىسى رەتىندە قابىلداپ جاتاتىن كورىنەدى.

Stan.kz