الماتىداعى ءبىر كوشەدەن جارتى كۇندە 50-گە جۋىق جۇرگىزۋشىگە ايىپپۇل سالىنعان

 استانا. قازاقپارات - شەۆچەنكو كوشەسىندە دوستىق داڭعىلى مەن جاروكوۆ كوشەسىنىڭ اراسىندا جارتى كۇندە 47 اۆتوكولىك جۇرگىزۋشىسىنە ايىپپۇل سالىنعان، - دەپ حابارلايدى Tengrinews.kz ءتىلشىسى الماتى قالالىق ءى ءى د باسپا ءسوز قىزمەتىنىڭ وكىلىنە سىلتەمە جاساپ.

بۇرىنعى 5 ەكيپاج مۇشەسى قاتىسقان «بۋران» ءىس-شاراسى كەشكى ساعات 15.00-دەن 00.00-گە دەيىن جۇرگىزىلگەن. «شەۆچەنكو كوشەسىندە وسىمەن ءبىر جىل بۇرىن ءبىرجاقتى قوزعالىس ەنگىزىلدى، سونداي- اق، وندا ۆەلوجول بار. وسى اۋماقتا زاڭنامانىڭ ساقتالۋىن باقىلاپ، اتاپ ايتقاندا، جەرگىلىكتى جۇمىس پەن ناقتى رەيدتەردى جۇرگىزۋدى كۇشەيتۋ تۋرالى شەشىم قابىلداندى»، - دەدى الماتىنىڭ ءى ءى د جول-پاترۋلدىك پوليتسياسى كومانديرىنىڭ ورىنباسارى ماناپ ساتتاروۆ.

پوليتسيا قىزمەتكەرلەرىنىڭ ايتۋىنشا، ەڭ كوپ تارالعان زاڭ بۇزۋشىلىق - ايالداۋ ەرەجەلەرىن بۇزۋ نەمەسە كولىك قۇرال تۇراعىنىڭ ەرەجەلەرىن بۇزۋ ەكەن (21 دايەك) جانە جول بويىندا بەلگىلەنگەن ەسكەرتۋ نەمەسە جول بەلگىسى تالاپتارىن ساقتاماۋى (24 دايەك) تىركەلىنگەن. بارلىعى 34 ەر ادام مەن 12 ايەل ادامعا ايىپپۇل سالىنعان (ءبىر ايەلگە جارىقتاندىرۋ قۇرىلعىلارى مەن جول بويىنداعى بەلگىلەنگەن ەسكەرتۋدى ساقتاماعانى ءۇشىن ەكى رەت ايىپپۇل سالىنعان). ءوز كەزەگىندە اكىمشىلىك پوليتسيا باسقارماسىنىڭ مامانداندىرىلعان باتالونى رەيد ناتيجەلەرىنىڭ قارساڭىندا دوستىق جانە ءال-فارابي داڭعىلىندا 75 جۇرگىزۋشىنى اكىمشىلىك جاۋاپكەرشىلىككە تارتىلعانىن ايتتى. بەس كولىك قۇرىلعىسى ارنايى ايىپپۇل تۇراعىنا قويىلعان.

Kaz.tengrinews.kz