ءتاتتى توسىن سىي: استانا كۇنىنە وراي 50 مىڭ بالمۇزداق تەگىن تاراتىلدى
شارا استانا قالاسىنىڭ اكىمدىگى مەن قوستانايلىق «نوۆىي دەن» ساۋدا تاڭباسىنىڭ ۇيىمداستىرۋىمەن ءوتتى.
«قالا مەرەكەسىنە وراي وسىنداي ءتاتتى توسىن سىي جاساۋدى استانا قالاسىنىڭ اكىمدىگىنە ۇسىنعان بولاتىنبىز، اكىمدىك ءوز تاراپىنان قولداۋ ءبىلدىرىپ، مىنە بۇگىندە تۇرعىندار مەن قوناقتارعا ءتاتتى سىي جاساۋدامىز. اسىرەسە بۇلدىرشىندەردىڭ قۋانىشىندا شەك جوق. جالپى قوستانايلىق «نوۆىي دەن» ساۋدا تاڭباسى قازاقستان نارىعىندا 15 جىلدان استام ۋاقىت جۇمىس ىستەپ كەلەدى، وتكەن جىلى ەلباسىنىڭ قاتىسۋىمەن ءبىزدىڭ زاۋىتتا بالمۇزداق دايىنداۋ بويىنشا جاڭا جەلى ىسكە قوسىلعان بولاتىن»، - دەدى «نوۆىي دەن» ساۋدا تاڭباسىنىڭ استانا قالاسى بويىنشا وكىلدىگىنىڭ ديرەكتورى دميتريي سترەكالوۆ.
تەگىن بالمۇزداق بايتەرەك مونۋمەنتى جانىندا الاڭعا جينالعان حالىقتىڭ بارىنە تاراتىلۋدا. سونىمەن قاتار بايتەرەك الاڭىندا «The Spirit of Astana» اتتى حالىقارالىق زاماناۋي ەتنيكالىق مۋزىكالار فەستيۆالىدە وتۋدە.
«بالا- شاعامىزبەن كونسەرت تاماشالاۋعا كەلگەنبىز، قاراساق تەگىن بالمۇزداق تاراتىلۋدا، بالالارىمىزبەن بىرگە تاتتىدەن بىزدە اۋىز تيدىك. ۇيىمداستىرۋشىلارعا راقمەت، اسىرەسە كىشكەنتايلار قۋانۋدا، بۇلدا ءبىر مەرەكەگە جاسالعان جاقسى سىي»، - دەدى قالا تۇرعىنى ايسۇلۋ بەكبەرگەنوۆا.
