الماتى وبلىسىنداعى تاۋ كوشكىنى 50 ميلليون تەكشە مەتر اۋماقتى قامتىعان

استانا. قازاقپارات - الماتى وبلىسى كەگەن اۋدانىنداعى تاۋ كوشكىنى قازىردىڭ وزىندە 50 ميلليون تەكشە مەتر اۋماقتى قامتىپ وتىر.

 «وسىنشاما اۋقىمدى لاي كوشكىنى بۇل وڭىردە سوڭعى 1 عاسىردا بولماعان»، - دەيدى ماماندار. تاۋ بوكتەرىنىڭ وپىرىلۋىنا وسى وڭىردە ءجيى بولاتىن جەر سىلكىنىسى مەن تولاسسىز جاۋعان جاۋىن- شاشىن سەبەپ. كوشكىن سالدارىنان كولسايعا باراتىن جالعىز جول جابىلىپ، ەلەكتر جەلىسىنىڭ 500 مەترى زاقىمدانعان. كوشكىن ەكپىنى باسەڭدەگەنىمەن، سارى توپىراق سايدا اعىپ جاتقان وزەنگە جاقىنداپ قالدى. الايدا اۋىل تۇرعىندارنىڭ الاڭداۋىنا نەگىز جوق. ماماندار كۇندىز- ءتۇنى جاعدايدى قاتاڭ قاداعالاپ، 70-كە جۋىق جول جوندەيتىن ارنايى تەحنيكانى ازىرلەپ قويعان.

توقتار بايمولدايەۆ، «قازسەلدەن قورعاۋ» م م باسشىسى:

- ساتى ەلدى مەكەنىنە ەشقانداي قاۋىپ جوق. ويتكەنى ساتى ەلدى مەكەنى بيىكتە ورنالاسقان.

www.24.kz