13:23, 22 - قازان 2017 | GMT +6
مىسىرداعى قاقتىعىس: 50 دەن استام اسكەري قازا تاپتى
استانا. قازاقپارات - سەنبى كۇنى سيناي تۇبەگىنىڭ سولتۇستىگىندە مىسىر قاۋىپسىزدىك كۇشتەرىنە جاسالعان لاڭكەستەر شابۋىلىنان قازا تاپقاندار سانى 50 دەن استى، دەپ حابارلايدى Euronews رەيتەر اگەنتتىگىنە سىلتەمە جاساپ.
بۇل وقيعا، مامانداردىڭ ايتۋىنشا، پيراميدالار ەلىندەگى ەكسترەميستەردىڭ ەڭ ءىرى لاڭكەستىك ارەكەتتەرىنىڭ ءبىرى بولدى.
ولتىرىلگەندەردىڭ قاتارىندا ارنايى جاساقتىڭ جانە مىسىر ۇلتتىق قاۋىپسىزدىك باسقارماسىنىڭ قىزمەتكەرلەرى بار.
قاۋىپسىزدىك قىزمەتكەرلەرى كايردەن 130 شاقىرىمدا، قۇمدى شولدە بۇرىن مىسىردا بولعان تەراكتىلەرگە قاتىسى بار لاڭكەستىك ۇيىمدى جويۋ وپەراتسياسىن جۇرگىزىپ جاتقاندا تۇتقيىلدان جاسالعان شابۋىلعا تاپ بولعان.
قازىردە اسكەريلەر مەن پوليتسيانىڭ بىرىككەن كۇشتەرى قاقتىعىس ايماعىن تازارتۋ جۇمىستارىن جۇرگىزىپ جاتىر.
