ايدان عىلىمي بازا سالۋعا بولاتىن 50 شاقىرىمدىق ۇڭگىر تابىلدى
استانا. قازاقپارات - جاپون عالىمدارى اي بەتىندە عىلىمي بازا سالۋعا بولاتىن ۇڭگىر تاپتى، ونىڭ ۇزىندىعى 50 شاقىرىمعا سوزىلىپ جاتىر، دەپ حابارلايدى جاپونيا ۇلتتىق اەروعارىش اگەنتتىگى JAXA.
اسا ۇلكەن ۇڭگىردى جاپون زەرتتەۋ زوندى «كاگۋيا» تاپقان. تابيعي قۋىس ايدىڭ ارعى جاعىندا، ماريۋس كراتەرىنىڭ استىندا ورنالاسقان.
«كاگۋيا» الدىمەن ۇڭگىردىڭ كىرەبەرىسىن سۋرەتكە تۇسىرگەن، كەيىننەن ەلەكتروماگنيتتىك باسقارۋ ارقىلى ونىڭ ىشكى قۇرىلىسىن دا زەرتتەۋ مۇمكىندىگى تۋدى.
عالىمدار ۇزىن ۇڭگىردىڭ شامامەن 3,5 ميلليارد جىل بۇرىن جانارتاۋ بەلسەندىلىگىنىڭ ناتيجەسىندە تۇزىلگەندىگىن ايتادى.
