10:46, 21 - قىركۇيەك 2017 | GMT +5
ماسكەۋدە جاپپاي توبەلەستەن سوڭ 50 ميگرانت ۇستالدى
استانا. قازاقپارات - رەسەي استاناسىنداعى "موسكۆا" ساۋدا ورتالىعىنىڭ الدىندا سارسەنبى كۇنى كەشكى ۋاقىتتا بولعان قاقتىعىستان كەيىن 50 دەن اسا ادام ۇستالعان، - دەپ حابارلايدى ريا نوۆوستي قۇقىق قورعاۋ ورگاندارىنداعى دەرەككوزگە سىلتەمە جاساپ.

ءناپاقا تابۋ ءۇشىن شەكارا اسىپ كەلگەندەر مەن كۇزەتشىلەر توبەلەسكەن دەلىنەدى، الايدا پوليتسيا قىزمەتكەرلەرى وقيعا ورنىنا دەر كەزىندە جەتىپتى. دەرەككوزدىڭ مالىمەتىنشە، قاقتىعىسقا ساۋدا ورتالىعىنىڭ كۇزەتشىلەرىنىڭ وسىندا جۇك كوتەرۋشى بولىپ جۇمىس ىستەيتىن ميگرانتتى ۇرىپ جىبەرگەنى سەبەپ بولعان. قۇقىق قورعاۋ ورگاندارى ساۋدا ورتالىعىندا بولعان قاقتىعىستى «تۇرمىستىق سيپاتتا» دەپ اتاي وتىرىپ، وقيعانى راستادى.
«قاقتىعىسقاندار پوليتسيا بولىمشەسىنە جەتكىزىلدى»، - دەدى كەزەكشى وفيتسەر. باسىلىم دەرەككوزىنىڭ مالىمەتىنشە، 50-دەن اسا ادام ۇستالعان. قازىرگى ۋاقىتتا كوشى- قون ەسەبى بويىنشا تەكسەرىس ءجۇرىپ جاتىر ەكەن.