قازاقستاندا جاسى 50 دەن اسقان ازاماتتار بەلسەندى تۇردە يپوتەكاعا ءۇي الا باستادى
بۇل تۇرعىن ءۇي نەسيەسىن ارزانداتۋعا ىقپال ەتكەن «نۇرلى جەر» باعدارلاماسىنىڭ دا ىقپالىنان بولسا كەرەك، دەپ حابارلايدى ك ت ك.
ورتا ەسەپپەن قازاقستاندىقتار 7 ميلليون تەڭگەدەن اسپايتىن يپوتەكالارعا جۇگىنۋدە. جارتى جىل ىشىندە بانكتەر 200 ميللياردتان استام قاراجاتقا سونداي قارىزدار بەرگەن. ساراپشىلار بۇل سيفر جىل سوڭىنا دەيىن تاعى وسە تۇسەدى دەپ وتىر.
قازىر يپوتەكالىق نەسيەدەگى بەلسەندىلىك بويىنشا استانا، الماتى قالالارى جانە قاراعاندى وبلىسى كوش باستاپ تۇر. مامانداردىڭ ايتۋىنشا، جەكە باسپاناعا تەك جاستار مەن ەگدە كىسىلەر دە قول جەتكىزسەك دەپ ۇمتىلىپ جاتىر ەكەن.
«سوڭعى 6 ايدا جاس شامالارى 50-55 تەگى كىسىلەردىڭ سانى ارتتى. وسىلايشا ادامدار جاستارى ۇلعايعانىنا قاراماستان يپوتەكانىڭ ءتيىمدى باعدارلامالارىن پايدالانىپ، ۇيگە قول جەتكىزۋگە تىرىسىپ جاتىر»، - دەيدى بيزنەستى دامىتۋ بويىنشا ءبىرىنشى نەسيەلىك بيۋرو ديرەكتورى اسەم نۇرعاليەۆا.