سولتۇستىك قازاقستان پوليتسەيلەرى ءىز-ءتۇسسىز كەتكەن 50 ادامدى ىزدەپ تاپتى
س ق و ءى ءى د باسپا ءسوز قىزمەتىنىڭ كەلتىرگەن مالىمەتىنە سۇيەنسەك، كوپ جاعدايدا ادامداردىڭ جوعالىپ كەتۋىنە وتباسى جاعدايىنداعى كەلىسپەۋشىلىكتەر نەمەسە قاراپايىم جاۋاپسىزدىق سەبەپ بولۋى مۇمكىن.
«پەتروپاۆل قالاسىنىڭ 1979 -جىلعى تۇرعىنى پوليتسياعا حابارلاسىپ، وزىمەن بىرگە تۇراتىن باۋىرىنىڭ جوعالىپ كەتكەنى تۋرالى ارىز جازدى. بۇل ىشىمدىككە قۇمار باۋىرىنىڭ ءبىرىنشى رەت جوعالۋى ەمەس ەدى. ارىز بەرۋشىنىڭ ايتۋىنشا، جوعالعان باۋىرى ۇيدەن كەتپەي تۇرىپ ءبىر كۇن بۇرىن ايلىعىن العان. وسى سەبەپتى جىگىتتىڭ جوعالۋ سەبەبىن بىلدىك. ىزدەۋ جۇمىستارى ءبىر اپتاعا سوزىلدى. پوليتسيا قىزمەتكەرلەرىنىڭ ىزدەمەگەن جەرى جوق. اقىرى الگى جىگىت مەيرامحانالاردىڭ بىرىندە كاۋاپ جەپ، ماس بولىپ وتىرعان جەرىنەن تابىلدى»، - دەيدى پەتروپاۆل قالالىق ءى ءى ب قىلمىستىق پوليتسيا ءبولىمىنىڭ باستىعى، پوليتسيا مايورى رۋسلان سىزدىقوۆ.
حابارسىز ۇيىنەن كەتىپ قالاتىنداردىڭ ىشىندە دەنساۋلىعىنا بايلانىستى جوعالىپ كەتەتىندەر دە بار. ماسەلەن، زاينۋتدينوۆ ريۆحات حايرۋشەۆيچ ەسىمدى 1949 -جىلعى ازامات 5 -شىلدەدەن بەرى تابىلماعان. جاسى كەلگەن ادامنىڭ ەستە ساقتاۋ قابىلەتى ناشار بولعاندىقتان، بۇرىن دا ءىز-ءتۇسسىز كەتىپ جۇرگەن. بويى 170 س م، ارىق دەنەلى، قىسقا شاشتى، جوعالار كەزدە اشىق ءتۇستى قىسقا جەڭدى كويلەك، كوك ءتۇستى تريكو كيگەن كارى ادامدى كورگەندەربولسا، حابار بەرۋدى سۇرايدى. جىل باسىنان بەرى ءىز-ءتۇسسىز كەتكەن 55 (ولاردىڭ ىشىندە 19 ى - پەتروپاۆلدان) ادامنىڭ 50 ى تابىلىپ (17 ى پەتروپاۆلدان) ۇيىنە قايتارىلعان.
اۆتور: ايان بەكەن ۇلى
