13:31, 04 - ماۋسىم 2017 | GMT +6
لوندونداعى اۋرۋحاناعا تەراكتىدەن زارداپ شەككەن 50 ادام جەتكىزىلدى
استانا. قازاقپارات - جەكسەنبى كۇنى تۇندە ۇلى بريتانيانىڭ استاناسىندا بولعان ەكى لاڭكەستىك شابۋىل سالدارىنان كەم دەگەندە 48 ادام اۋرۋحاناعا جەتكىزىلدى، دەپ حابارلايدى لوندوننىڭ جەدەل جاردەم قىزمەتى.
«ءبىز لوندونداعى بەس اۋرۋحاناعا 48 ناۋقاستى جەتكىزدىك جانە وقيعا ورنىندا جەڭىل جاراقات العاندارعا مەديتسينالىق كومەك كورسەتتىك»، - دەلىنگەن قىزمەتتىڭ Twitter- دەگى جازباسىندا.
جەكسەنبى كۇنى تۇندە لوندون ورتالىعىندا ەكى لاڭكەستىك شابۋىل جاسالدى. لوندون كوپىرىندە شاعىن اۆتوبۋس شامامەن جيىرماداي ءبىر توپ جۇرگىنشىنى سوعىپ وتكەن. كۋاگەرلەردىڭ ايتۋىنشا، كولىكتەن ءۇش ادام اتىپ شىعىپ، 30 سانتيمەتردەن ۇزىنداۋ پىشاقتارىمەن ماڭايداعىلارعا شابۋىل جاساعان.
بۇل ۇلى بريتانياداعى سوڭعى 2,5-اي ىشىندەگى ءۇشىنشى تەراكتى.