استانادا 50 ەلدىڭ وكىلدەرى قازاق كۇرەسىن الەمگە ايگىلەۋ جولدارىن تالقىلايدى

استانا. قازاقپارات - استانا قالاسىندا دۇنيەجۇزىلىك «قازاق كۇرەسى» فەدەراتسياسىنىڭ كونگرەسى وتەدى.

وعان ۇلتتىق فەدەراتسيالار جانە ءداستۇرلى كۇرەس تۇرلەرى فەدەراتسيالارىنىڭ وكىلدەرى قاتىسادى، دەپ حابارلايدى قازاقپارات ءتىلشىسى.

كونگرەستىڭ كۇن تارتىبىندە قازاق كۇرەسىنىڭ جەر شارىنىڭ ءار تۇكپىرىندە قانات جايۋى جانە كەلەشەك دامۋ جولدارى قاراستىرىلادى.

كونگرەسس جۇمىسىنا امەريكا، افريكا، ەۋروپا جانە ازيا قۇرلىقتارىنان جالپى 50 ەلدىڭ دەلەگاتتارى، قازاقستان رەسپۋبليكاسى مادەنيەت جانە سپورت مينيسترلىگى سپورت جانە دەنە شىنىقتىرۋ ىستەرى كوميتەتىنىڭ قىزمەتكەرلەرى، ۇلتتىق كۇرەستىڭ ارداگەرلەرى جانە بەلگىلى ماماندار قاتىسادى.

اتالمىش شارا 2017-جىلعى 13- ناۋرىز كۇنى ساعات 11:00 دە استانا قالاسىنداعى «Beijing Palace Soluxe» قوناق ۇيىندە وتەدى.

اۆتور: كۇنسۇلتان وتارباي