قازاقستاندا 50 جاستا زەينەتكە شىعۋعا بولادى ما
«ەگەر دە ءسىز اۋىر، قاۋىپتى جۇمىستا ىستەيتىن بولساڭىز، وندا زاڭعا سايكەس، 50 جاسىڭىزدا زەينەتكەرلىككە شىعۋعا مۇمكىندىگىڭىز بار. ياعني ول ۋاقىتتا ءسىزدىڭ زەينەتاقى قورىڭىزداعى 10 پايىزدىق مىندەتتى زەينەتاقى جارناڭىز بەن الداعى ۋاقىتتان باستاپ جۇمىس بەرۋشىلەر تولەيتىن 5 پايىز جارنانى قوسا العاندا جيناعىڭىز، ەڭ تومەنگى زەينەتاقى مولشەرىنە جەتكىلىكتى بولۋى قاجەت. سوندا عانا 50 جاستان زەينەتكەرلىككە شىعۋعا بولادى»، - دەدى ول.
ءمينيستردىڭ ايتۋىنشا، 55 جاسقا تولعان كەزدە ازماتتىڭ زەينەتاقى قورىنداعى جارناسى الداعى 18 جىل بويى ەڭ تومەنى زەينەتاقى الۋعا جەتكىلىكتى بولسا، وندا ول 55 جاسىندا-اق زەينەتكە شىعا الادى. «ال قارجىلارىڭىز اننيۋتەت الۋعا جەتكىلىكسىز بولسا، وندا ەر ازاماتتار 63 جاستا، ايەلدەر بۇگىنگى تاڭعا دەيىن - 58، ال 2018 -جىلدان باستاپ 58,5 جاستا زەينەتكەرلىككە شىعادى»، - دەدى تامارا دۇيسەنوۆا.
ايتا كەتەيىك، ەڭبەك ءمينيسترى بۇگىن 2020 -جىلعا قاراي قازاقستاندا كوپدەڭگەيلى زەينەتاقى جۇيەسى قۇرىلاتىندىعىن ءمالىم ەتكەن بولاتىن. مۇنان بولەك، ول 2018 -جىلدىڭ 1 -شىلدەسىنەن زەينەتكەرلىككە شىعاتىن ايەلدەردىڭ زەينەتاقىسى 2 ەسەگە ۇلعايتىلاتىندىعىن ايتقان ەدى.
اۆتور: مارلان جيەمباي
