قار قۇرساۋىندا قالعان 50 دەن استام قوستانايلىق قۇتقارىلدى

استانا. قازاقپارات - قوستاناي وبلىسىندا قار قۇرساۋىندا قالعان ادامداردى قۇتقارۋ جۇمىستارى جالعاسۋدا. سولتۇستىك وڭىرلىك ايرو ۇتقىر جەدەل- قۇتقارۋ توبى (س ءو ا ج ق ت) ءبىر ايدان بەرى وڭىردەگى تاس جولدا اپاتتىق- قۇتقارۋ جۇمىستارىن جۇرگىزىپ كەلەدى، دەپ حابارلايدى ت ج كوميتەتىنىڭ باسپا ءسوز قىزمەتى.

25- قاڭتاردا قاراسۋ، اۋليەكول، ناۋرىزىم اۋداندارىندا اپاتتىق- قۇتقارۋ جۇمىستارى جۇرگىزىلدى.

 ناۋرىزىم اۋدانىندا «رازدولنىي- بۋريەۆەستنيك- ولەڭدى» تاس جولىنىڭ 80 شاقىرىمىندا بوران سالدارىنان اۆتوكولىك قار قۇرساۋىندا قالعان. قۇتقارۋ وپەراتسياسىن جۇرگىزۋ ءۇشىن 8 قۇتقارۋ قۇرامى بار كاماز جانە ترەكول ارنايى تەحنيكاسى جىبەرىلدى. اۋليەكول اۋىلىندا كاماز- بەن 7 ادام، سونىڭ ىشىندە 2 ايەل مەن ءبىر بالا قۇتقارىلدى. قار قۇرساۋىنان 4 تەحنيكا بوساتىلدى. ال، ترەكول تەحنيكاسى ارقىلى 46 ادام، سونىڭ ىشىندە 9 ايەل ەۆاكۋاتسيالاندى. 

ءدال سول كۇنى، اۋليەكول اۋدانى قازانباسى اۋىلىنان 1960 -جىلى دۇنيەگە كەلگەن، 2 توپتاعى مۇگەدەك كىسىنىڭ جۇرەگى قىسىلىپ، مەديتسينالىق كومەككە ءزارۋ ەكەندىگى تۋرالى حابارلاما كەلىپ تۇسكەن. اۋا رايىنىڭ قولايسىزدىعىنا بايلانىستى، ايتىلعان جەرگە ترەكول تەحنيكاسىمەن 3 قۇتقارۋشى بارعان. قۇتقارۋشىلار توبى ناۋقاستى اۋليەكولگە جەتكىزىپ، جەدەل جاردەم قىزمەتكەرلەرىنە تابىستادى.

 س ءو ا ج ق ت كۇشىنىڭ ارقاسىندا 2017 -جىلدىڭ 25 -قاڭتارىندا 54 ادام، سونىڭ ىشىندە 11 ايەل، 1 بالا جانە 2-توپتاعى 1 مۇگەدەك قۇتقارىلدى.