19:26, 20 - قاڭتار 2017 | GMT +6
شىمكەنت اكىمى «ۋاقىتشا تىركەۋ» ماسەلەسىن 50-اق سەكۋندتا ءتۇسىندىرىپ بەردى - كەسكىن
استانا. قازاقپارات - بۇعان دەيىن ۇكىمەت وتىرىسىندا ماسەلە بولىپ، قانشاما مينيسترلەر تۇسىندىرە الماعان «ۋاقىتشا تىركەۋ» تۋرالى شۋعا شىمكەنت قالاسىنىڭ اكىمى عابيدۋللا ءابدىراحىموۆ نەبارى 50 سەكۋندتا جيىلعان حالىققا ءتۇسىندىرىپ بەردى، دەپ جازادى BAQ.kz ءتىلشىسى.
شىمكەنت قالاسىنىڭ اكىمى حالىقپەن كەزدەسۋ كەزىندە ەلدىڭ باس اۋرۋىنا اينالعان «تىركەۋ تۋرالى» شۋعا نۇكتە قويعانداي بولدى. قاراپايىم عانا حالىقتىڭ ءوز تىلىمەن تۇسىندىرگەن اكىمنىڭ مالىمدەمەسى راسىمەن قاراپايىم حالىققا ۇعىنىقتى بولدى.
ۆيدەونى الەۋمەتتىك جەلىگە جاريالاعان ايگۇل ورىنبەك:
«مينيسترلەر مەن دەپۋتتار تۇسىندىرە الماعان «تىركەۋ» جايلى زاڭ جوباسىن شىمكەنتتىڭ اكىمى عابيدۋللا جالپاق تىلدە ءتۇسىندىرىپ بەردى» - دەپ جازدى بۇل تۋرالى.
