08:41, 04 - قاڭتار 2017 | GMT +5
مايكل دجەكسوننىڭ قارىنداسى 50 جاسىندا تۇڭعىش رەت ءسابيلى بولدى
استانا. قازاقپارات - «پوپ- مۋزىكا كورولى» مايكل دجەكسوننىڭ كىشى قارىنداسى، تانىمال ءانشى دجانەت دجەكسون 50 جاسىندا تۇڭعىش رەت ءسابيلى بولدى.
بۇل تۋرالى People جۋرنالى حابارلايدى.
بىلتىرعى جىلدىڭ قازان ايىندا دجەكسون ءوزىنىڭ ەكىقابات ەكەنىن راستاعان. سول كەزدە جۋرنال ءانشىنىڭ جۇكتى كەزىندەگى سۋرەتىن دە جاريالاعان بولاتىن.
«دجانەت دجەكسون مەن ونىڭ كۇيەۋى ۆيسسام ءال- مان تۇڭعىشتارى يسسۋ ءال- ماننىڭ ومىرگە كەلگەنىنە ەرەكشە قۋانىشتى»، - دەپ حابارلادى ءانشىنىڭ وكىلى. ونىڭ سوزىنشە، دجەكسوننىڭ بالا بوسانۋى وتە ءساتتى وتكەن جانە قازىرگى تاڭدا ول دەمالىپ جاتىر ەكەن.
ءساۋىر ايىندا ءانشى وتباسىنا كوڭىل ءبولۋ ماقساتىندا، الەمدىك تۋردان باس تارتقان ەدى. ال كاتارلىق ميللياردەر ۆيسسام ءال- مانمەن ول 2012 -جىلدىڭ جەلتوقسان ايىندا نەكەلەسكەن.
