تۇرمەدە بولعان باس كوتەرۋلەر كەزىندە 50 گە جۋىق ادام مەرت بولدى
بۇل الدىن الا مالىمەتتەر جانە برازيليانىڭ قاۋىپسىزدىك قىزمەتى وكىلدەرىنىڭ سوزدەرىنشە، قۇربان بولعاندار سانى ءالى ارتۋى مۇمكىن.
تۇرمەدەگى بۇلىك جەكسەنبى، 1- قاڭتار كۇنى باستالدى. كۇش-قۋات قۇرىلىمى وكىلدەرىنىڭ حابارلاۋىنشا، جاعدايدىڭ بۇلايشا سيپات الۋىنا ەسىرتكى ساۋداسىن «قاداعالايتىن» ەكى باندى وكىلدەرىنىڭ اراسىنداعى قارسىلىق ارەكەتتەرى سەبەپ بولعان.
اگەنتتىك وكىلدەرىنىڭ مالىمەتتەرىنشە، حالىقارالىق قۇقىق قورعاۋ ۇيىمدارى برازيليا تۇرمەلەرىندەگى جاعداي ءۇشىن قاتتى سىنايدى. تۇرمەدە ادامداردىڭ شەكتەن تىس كوپ وتىرۋى مۇندا ادەتتەگى جاعداي.
ال ءتارتىپ بۇزۋشىلىق ارەكەتتەرى ءجيى ورىن الادى. قازان ايىندا ەلدىڭ سولتۇستىگىندەگى بوا-ۆيستا قالاسىنداعى تۇرمەدەگى ەكى توپتىڭ ءبىر-بىرىنە قارسىلىقتارىنىڭ سالدارىنان 25 ادام مەرت بولدى. ولاردىڭ 7 ءنىڭ باسىن كەسىپ تاستاعان، تاعى 6 ادامدى تىرىدەي جاعىپ جىبەرگەن، دەپ جازادى lenta.ru.
