كەلەر جىلدان باستاپ جىلىنا كەمىندە 50 مەكتەپ سالۋ كەرەك - ساعاديەۆ
«قازاقستاندا 2015 - جىلعى 1 - قازانداعى مالىمەتتەر بويىنشا 156 اپاتتى جانە ءۇش اۋىسىمدى مەكتەپ بولعان. ولاردى جويۋ 2018 - جىلدىڭ اياعىنا جوسپارلانىپ وتىر. كوبىسى الماتى جانە وڭتۇستىك قازاقستان وبلىستارىندا. ەندى، 2015 -جىلى 6 مەكتەپ سالىنسا، بيىل 51 مەكتەپ سالىنىپ وتىر. كەلەسى، 2017 - جىلى 99 مەكتەپ سالىنىپ، اشىلادى. جىل سايىن وقۋشىلاردىڭ سانىنىڭ ءوسۋى مەن ۋربانيزاتسيا ۇدەرىستەرى ءجۇرىپ جاتىر. ءارى قاراي قالالاردا مەكتەپتەردى سالۋ كەرەك دە ەسەپتەيمىز»، - دەدى مينيستر.
ونىڭ اتاپ وتۋىنشە، مينيسترلىك مەكتەپ تاپشى وڭىرلەردىڭ ارنايى كارتاسىن ازىرلەگەن. اتالعان قۇجاتقا سايكەس 2018 -جىلدان باستاپ جىل سايىن كەمىندە 50 مەكتەپ سالۋ قاجەت بولماق.
«مينيسترلىك بيۋدجەت قاراجاتىن يگەرۋ بويىنشا اي سايىن مونيتورينگ جۇرگىزىپ وتىرادى. اعىمداعى جىلدىڭ 8 ايىنىڭ ناتيجەسىندە جەرگىلىكتى اتقارۋشى ورگاندار شارتتاردىڭ كەش جاسالۋىنا، سوت ىستەرىنە بايلانىستى 3 ميلليارد تەڭگەنى يگەرمەگەن. وسى مونيتورينگكە سايكەس 5 ميلليونعا جۋىق قارجىنى استانا، الماتى قالالارى، شىعىس قازاقستان، وڭتۇستىك قازاقستان، قاراعاندى وبلىستارى ءوز ۋاقىتىندا جۇمساي الماي وتىر»، - دەدى ە. ساعاديەۆ.
اۆتور: مارلان جيەمباي
