اتاقتى بوكسشى مايك تايسون 50 جاسقا تولدى

استانا. قازاقپارات - بۇگىن - الەمگە اتى تانىمال قولعاپ شەبەرى مايك تايسوننىڭ تۋعان كۇنى. بۇرىنعى بوكسشى 50 جاسقا تولىپ وتىر. بۇل تۋرالى Vesti.kz حابارلايدى.

تايسون ءوزىنىڭ كاسىبي سپورتتىق مانسابىن 1985 -جىلدىڭ ناۋرىزىندا باستاپ، 1986 -جىلدىڭ قاراشاسىندا تاريحتا العان رەت الەم چەمپيونى تيتۋلىن جەڭىپ العان اسا اۋىر سالماقتاعى ەڭ جاس بوكسشى اتاندى.

ال 1987 -جىلدىڭ 1 -تامىزىندا ول الەمنىڭ ابسوليۋتتى چەمپيونى بولعان ەڭ جاس بوكسشى اتاندى. 1986, 1988 -جىلدارى «جىل بوكسشىسى»، ال 2011 -جىلدىڭ ماۋسىمىندا حالىقارالىق بوكس مانسابى زالىنىڭ قۇرامىنا ەندى.

ايتا كەتەيىك، تايسون كىرىسى ەڭ جوعارى بوكسشى ەدى. الايدا شارشى الاڭ سىرتىندا باسى داۋعا قالىپ، تۇرمەدە جازاسىن دا وتەگەن بولاتىن. بۇل ءوز كەزەگىندە سپورتتىق جولىنا اسەر ەتپەي قويمادى. 2005 -جىلدىڭ جازىندا كەزەكتى جەڭىلىسىنەن كەيىن ول سپورتتىق مانسابىن اياقتادى، ءبىراق جانكۇيەرلەر كوزىنەن عايىپ بولمادى. مايك تايسون كينو، مۋزىكا پروموۋتورلىق كاسىپتە، ءتىپتى تەاتردا باعىن سىناپ ءجۇر.

www.24.kz