جامبىل وبلىسىندا 50 مىڭ ادام ق ر ءانۇرانىن شىرقادى
جامبىل وبلىسى اكىمدىگىنىڭ ىشكى ساياسات باسقارماسىنان تۇسىندىرگەندەي، ق ر مەملەكەتتىك رامىزدەر كۇنىندە بارلىق مەملەكەتتىك مەكەمەلەر، اكىمدىكتەر، ءبىلىم بەرۋ مەكەمەلەرى، جوعارى وقۋ ورىندارى، ءتىپتى قوعامدىق كولىكتەردە قازاقستان رەسپۋبليكاسىنىڭ ءانۇرانىن ءبىر ۋاقىتتا ورىندالدى.
تارازداعى پاتريوتتىق شاراعا وبلىستىڭ ەتنومادەني بىرلەستىكتەرىنىڭ جاس وكىلدەرى دە قاتىسقان. جامبىل وبلىسى اكىمدىگىنىڭ «قوعامدىق كەلىسىم» م م- ءنىڭ ءماجىلىس زالىندا «سۇيەمىن سەنى، مەنىڭ قازاقستانىم» اتتى فوتوكورمە-اكسياسى بولىپ وتكەن. اكسيانىڭ بارلىق قاتىسۋشىلارى گراموتالار، العىس حاتتار، سىيلىقتار الدى.
ءبىر مىڭنان استام ادام قاتىسقان «مەملەكەتتىك رامىزدەر - تاۋەلسىزدىكتىڭ تىرەگى» اتتى پاتريوتتىق فورۋم قازاقستان رەسپۋبليكاسى تاۋەلسىزدىگىنىڭ 25 جىلدىعىنا ارنالعان تەاترلاندىرىلعان قويىلىمنان باستالدى. ايماقتىڭ دامۋىنا ۇلكەن ۇلەس قوسقان تاراز تۇرعىندارىنا العىس حاتتار تابىستالدى. فورۋم وبلىستىڭ شىعارماشىلىق ۇجىمدارىنىڭ كونسەرتىمەن اياقتالدى.
تاراز جاستارى تۇرار رىسقۇلوۆ اتىنداعى ساياباقتا وتكەن «Face art» پاتريوتتىق اكسياسىنىڭ بارىسىندا بەتتەرىنە ۇلتتىق رامىزدەردىڭ سۋرەتتەرىن سالعىزۋ ارقىلى body art ونەرىن كوردى. بۇل اكسيانى جامبىل وبلىسى ىسكەر ايەلدەرىنىڭ قاۋىمداستىعى ۇيىمداستىرعان. سۋرەت سالۋدان باسقا، قاتىسۋشىلار ءۇشىن مەملەكەتتىك رامىزدەر تۋرالى سۇراقتار ۆيكتوريناسى ۇيىمداستىرىلدى.
بۇل كۇنى قازاقستان رەسپۋبليكاسىنىڭ ءانۇرانى تارازداعى مۇحتار اۋەزوۆ اتىنداعى كىتاپحانادا دا شىرقالدى. مۇندا ق ر مەملەكەتتىك رامىزدەر كۇنىنە ارنالعان «تۋ، ەلتاڭبا، ءانۇران - قاسيەتتى قۇندىلىقتار» اتتى جىلجىمالى كورمە بولىپ وتكەن. كورمەدە مۇراجاي قورىنان الىنعان ق ر ۇلتتىق بانكىنىڭ مەرەيتويلىق مونەتالارى، فوتوسۋرەتتەر، سلايدتار مەن كىتاپتار ۇسىنىلدى.
«رامىزدەرىم - ماقتانىشىم» اتتى جاستار اكسياسىنا تارازدىڭ جۇزدەگەن ستۋدەنتتەرى مەن بەلسەندىلەرى قاتىستى. اكتسيانىڭ بارىسىندا قازاقستان رەسپۋبليكاسى مەملەكەتتىك رامىزدەرىنىڭ ءمانى ءتۇسىندىرىلىپ، ەلىمىزدىڭ مەملەكەتتىك رامىزدەرى بەينەلەنگەن ستيكەرلەر تاراتىلدى.
