گولوۆكين الەمدە فيزيكالىق دايىندىعى ەڭ جاقسى 50 سپورتشىنىڭ تىزىمىنە كىردى

استانا. قازاقپارات - امەريكانىڭ Sports Illustrated سايتى «Fittest50» جوباسى اياسىندا الەمنىڭ فيزيكالىق دايىندىعى جاقسى جانە ءتوزىمدى سپورتشىلارىنىڭ ءتىزىمىن قۇراستىردى، دەپ حابارلايدى Sports.kz.

ەرلەر اراسىندا ۇزدىك 50 سپورتشىنىڭ تىزىمىندە 12- ورىن الەمنىڭ ورتا سالماقتاعى چەمپيونى گەننادي گولوۆكينعا بەرىلدى. ايتا كەتەيىك، قازاقستاندىق سپورتشى رەيتينگكە ۇسىنىلعان جالعىز بوكسشى بولدى.

ءبىرىنشى ورىندى جەڭىل اتلەت ەشتون يتون، ەكىنشى ورىندى - باسكەتبولشى لەبرون دجەيمس السا، ءۇشىنشى ورىن كروسسفيت سپورتشى بەن سميتكە بەرىلدى.