استانادا 50 مەملەكەتتىڭ كەدەن قىزمەتتەرى باسشىلارى كەزدەسۋ وتكىزۋدە

استانا. قازاقپارات - استانادا دۇنيەجۇزىلىك كەدەن ۇيىمىنىڭ ەۋروپالىق ءوڭىرىنىڭ كەدەندىك قىزمەتتەرى باسشىلارىنىڭ كونفەرەنتسياسى جۇمىسىن باستادى.

شاراعا 50 ەلدىڭ كەدەن سالاسىنىڭ باسشىلارى قاتىسۋدا.

شارا قاتىسۋشىلارىنا ق ر پرەمەر-ءمينيسترى كارىم ءماسىموۆ ۇندەۋ جولدادى. ونىڭ ۇندەۋىن ءبىرىنشى ۆيتسە-پەرەمەر باقىتجان ساعىنتايەۆ وقىپ بەردى.

«21- عاسىر - جوعارى جىلدامدىقتاردىڭ عاسىرى. ادامدار، تاۋارلار، قىزمەتتەر مەن اقپاراتتار وتە جىلدام قوزعالۋدا. بارشا الەمدە ساقتالىپ وتىرعان مالىمەتتەردىڭ 90 پايىزى تەك ەكى جىلدا قۇرالدى. بۇگىندە ءبىز بارشامىز ساندىق داۋىرگە اۋىسۋدىڭ كۋاگەرىمىز. بۇل ترەند ومىردەگى بارلىق سالالاردى قامتىپ وتىر»، - دەيدى ۇكىمەت باسشىسى.

ول ءوز كوزىندە كەدەن قىزمەتى سىرتقى ەكونوميكالىق قىزمەتتىڭ جۇيە قۇراۋشى ەلەمەنتى بولىپ تابىلاتىنىن جانە ءار ەلدىڭ ەكونوميكالىق دامۋىندا ستراتەگيالىق ءرولدى اتقاراتىنىن اتاپ ءوتتى. وسى رەتتە كەدەن ورگاندارى اراسىندا اقپارات الماسۋ بۇل سالاداعى ىلگەرىلەۋدىڭ نەگىزگى فاكتورى بولىپ وتىر. بۇل تۇرعىدا دۇنيەجۇزىلىك كەدەن ۇيىمى وسى ۇدەرىستە كوشباسشى رولدە.

ك. ءماسىموۆ قازاقستان حالىقارالىق ساۋدانىڭ نورمالارى مەن ەرەجەلەرىن جەتىلدىرۋدە بەلسەندى قاتىسىپ وتىرعانىن، سونداي-اق دۇنيەجۇزىلىك ساۋدا ۇيىمىنىڭ مۇشەسى بولا وتىرىپ، ساۋدانىڭ قاۋىپسىزدىگى مەن ونى جەڭىلدەتۋگە ەرەكشە ءمان بەرىپ وتىرعانىن جەتكىزدى.

ءسوز سوڭىندا پرەمەر-مينيستر قازاقستان ءوزىنىڭ ترانزيتتىك الەۋەتىن بەلسەندى تۇردە ارتتىرىپ كەلە جاتقانىن جانە ساۋدا قاتىناستارىن نىعايتۋعا ۇمتىلىپ وتىرعاندىعىن اتاپ ءوتتى.

اۆتور: رۋسلان عابباسوۆ