ا ق ش: انتيكۆاريات مامانى قاتەلەسىپ، وقۋشى قىزدىڭ قولدان جاساعان بۇيىمىن 50 مىڭ دوللارعا باعالادى
بۇل تۋرالى The Guardian حابارلايدى.
مامىر ايىنىڭ باسىندا وڭتۇستىك كارولينانىڭ تۇرعىنى الۆين بارر (Alvin Barr) ساراپشىلار قوناقتارعا ءتۇرلى انتيكۆارلىق زاتتاردىڭ بولجالدى باعاسىن انىقتاۋعا كومەكتەسەتىن بريتاندىق Antiques Roadshow تەلەشوۋىنىڭ امەريكاندىق نۇسقاسىنا كەلدى.
بارردىڭ ايتۋىنشا، ورەگون شتاتىندا مۇلىكتى جاپپاي ساتۋ كەزىندە ول «بالشىق، سابان، قۇس قيىمەن» سىلانعان بالشىق قۇمىراعا نازار اۋداردى. ونىڭ ۇسقىنسىز تۇرىنە قاراماستان الۆين بارر بۇل زاتتى 300 دوللارعا ساتىپ الدى.
تەلەشوۋعا قاتىسقان باعالاۋشى ستيۆەن ل. فلەتچەر (Stephen L Fletcher) قۇمىرانىڭ 19 -عاسىردىڭ اياعىندا جاسالۋى مۇمكىن ەكەنىن ايتىپ، ونى 30 دان 50 مىڭ دوللارعا دەيىن باعالادى.
الايدا جازبا ەفيرگە شىققان سوڭ، فلەتچەر قاتتى قاتەلەسكەنىن ءبىلدى. بۇل قۇمىرانىڭ 1973 -جىلى مەكتەپتە كۇيىكتاس زاتتاردى قۇرۋ ساباعىندا جاسالعانى انىقتالدى.
بۇل تۋرالى باعدارلامانى كورىپ وتىرعان ورەگون تۇرعىنى حابارلاعان. ول بۇل قۇمىرانى ونىڭ بەتسي سوۋل (Betsy Soule) ەسىمدى قۇربىسى جاساعانىن ايتتى. سوۋل جەرگىلىكتى گازەتكە بۇل قۇمىرانىڭ 1973-1974 -جىلدار ارالىعىندا جاساعانىن ايتىپ بەردى.
قاتە انىقتالعان سوڭ، فلەتچەر ءوز باعالاۋىن وزگەرتىپ، بۇل وقيعانىڭ ول ءۇشىن «تانىمدىق تاجىريبە» بولعانىن ايتتى.
