ۋكراينادا 50 مىڭ قىلمىسكەر قاماۋدان مەزگىلىنەن بۇرىن بوساتىلۋى مۇمكىن
ونىڭ ىشىندە ۇساق- تۇيەك ۇرلىقتان باستاپ، كىسى ولتىرگەندەر دە بار. تەمىرتورعا توعىتىلعاندار ەل اۋزىندا «ساۆچەنكو زاڭى» دەپ اتالىپ كەتكەن قۇجاتتىڭ ارقاسىندا قاماۋداعى مەرزىمىن قىسقارتا الادى. جاڭا زاڭ بويىنشا تەرگەۋ يزولياتورىندا وتىرعان ءاربىر كۇن تۇزەۋ مەكەمەسىندە ەكى كۇندىك جازاسىن وتەگەنمەن تەڭ.
بۇگىندە «ساۆچەنكو زاڭىن» كولونيادا وتىرعان 20 مىڭ ازامات پايدالانىپ، ونىڭ 4200 ى بوستاندىققا شىعىپ ۇلگەرگەن. قالعان 16 مىڭ سوتتالعاننىڭ جازاسىن وتەۋ مەرزىمى قىسقارتىلدى.
ەكاتەرينا دەنيسيۋك، ۋكراينا مەملەكەتتىك پەنيتەنسيارلىق قىزمەتى ب ا ق- پەن ءوزارا قارىم- قاتىناس جاساۋ ءبولىمىنىڭ باستىعى:
- بۇل مۇمكىندىكتى سوتتالعان 50 مىڭ ادامنىڭ ءبارى بىردەي پايدالانادى دەپ ايتۋ قيىن. ويتكەنى بوستاندىقتا جۇرگەننەن گورى تەمىرتوردىڭ ار جاعىندا وتىرۋدى ءجون كورەتىن قىلمىسكەرلەر بارشىلىق. سەبەبىن ولار «ەركىندىكتە پانالايتىن ءۇيىم، جۇمىس ىستەيتىن جەرىم جوق» دەپ تۇسىندىرەدى.
www.24.kz
