10:58, 04 - اقپان 2016 | GMT +5
قاۋىپتى قىلمىسكەرلەردى ۇستاۋعا كومەكتەسكەن قاڭعىباس 50 مىڭ دوللار الدى
استانا. قازاقپارات - كاليفورنيانىڭ سانتا-انا تۇرمەسىنەن 3 قىلمىسكەردىڭ قاشىپ كەتكەنى تۋرالى وتكەن ايدىڭ سوڭىندا حابارلاعان ەدىك.
سول كەزدە پوليتسيا مەن ف ت ب ولاردى ۇستاۋعا كومەگى تيەتىن اقپارات ءۇشىن 50 مىڭ دوللار سىياقى بەرەتىنىن جاريالادى.
جۋىردا باك دۋونگ، دجوناتان تيۋ جانە حۋسسەين نايەري تۋرالى ءدال اقپارات بەرىپ، اقىرى ولاردىڭ ۇستالۋىنا سەبەپ بولعان مەتيۋ حەي-چاپمان ۋادە ەتىلگەن سىياقىنى الىپ، شالا بايىپ قالدى، دەپ حابارلايدى San Francisco Chronicle. چاپماننىڭ ايتۋىنشا، ونىڭ ەستە ساقتاۋ قابىلەتىنىڭ كۇشتىلىگى سونشالىق، ول قاشقىنداردى كورگەن كەزدە جازباستان تانىعان.
سونداي-اق ولار مىنگەن كولىك ءنومىرىن ءبىر كورگەننەن ەستە تۇتقان ەر ادام، ونى تۋرا سول كۇيى پوليتسەيلەرگە جەتكىزگەن. ال بۇيىرعان 50 مىڭ دوللاردى ءۇي-كۇيسىز كۇن كەشىپ جاتقان چاپمان، ءومىرىن جاڭادان باستاۋ ءۇشىن جۇمسايتىنىن ايتىپتى.
24.kz
