حالىقارالىق اۋىر اتلەتيكا فەدەراتسياسى قازاقستانعا 50 مىڭ دوللار ايىپپۇل سالدى

استانا. قازاقپارات - حالىقارالىق اۋىر اتلەتيكا فەدەراتسياسى (IWF) اۋىراتلەتتەرگە دوپينگ قولداندى دەگەن كۇدىك كەلگەندىكتەن قازاقستانعا 50 مىڭ دوللار ايىپپۇل سالدى.

بۇل تۋرالى Vesti.kz Azerisport.com باسىلىمىنا سىلتەمە جاساي وتىرىپ حابارلادى.

ايىپپۇل ەرەجە بۇزدى دەلىنگەن سپورتشىلاردىڭ سانى بويىنشا سالىندى. ءازىربايجاننىڭ التى سپورتشىسىنا ايىپپۇل سالىندى. رەسەيدە - ءتورت، قازاقستان، مولدوۆا جانە ق ح د ر- دا - ۇشەۋدەن.

وسىعان بايلانىستى IWF ءازىربايجانعا 200 مىڭ دوللار، رەسەيگە 100 مىڭ دوللار، قالعاندارىنا 50 مىڭ دوللاردان ايىپپۇل سالدى. ەگەر ەل ايىپپۇلدى تولەمەسە وليمپيادا-2016 عا قاتىسۋعا ليتسەنزياسىز قالادى ەكەن.

وسىعان دەيىن IWF قازاقستاندىق اۋىراتلەتتەر الماس وتەشوۆ، جاسۇلان قىدىربايەۆ جانە ەرمەك ءومىرتايدى دوپينگ قولداندى دەپ ايىپتاپ، ۋاقىتشا شەتتەتكەن بولاتىن.