08:44, 28 - قاراشا 2015 | GMT +5
استانادا 50 ەلدىڭ ەلشىلەرىنىڭ جۇبايلارى قايىرىمدىلىق جارمەڭكەسىن ۇيىمداستىرادى
استانا. قازاقپارات - 6- جەلتوقساندا استانادا VIII روجدەستۆولىق جارمەڭكە وتەدى. شارانى الەمنىڭ 50 ەلىنىڭ ەلشىلەرىنىڭ جۇبايلارى ۇيىمداستىرادى، دەپ حابارلايدى قازاقستانداعى گەرمانيا ەلشىلىگىنەن.
«Radisson» قوناق ۇيىندە ۇيىمداستىرىلاتىن جارمەڭكەگە قالانىڭ بارلىق قوناقتارى مەن تۇرعىندارى قاتىسا الادى.
مۇندا ءار ەلدىڭ وكىلدەرى وزدەرىنىڭ ءداستۇرلى اس مازىرلەرى مەن قولونەر بۇيىمدارىن، ۇلتتىق كادەسىيلارىن ۇسىناتىن بولادى. سونداي-اق كەلۋشىلەر اراسىندا باعالى سىيلىقتار مەن شەتەلدەرگە جولدامالار ويناتىلادى.
شارادان تۇسكەن بارلىق قاراجات مۇقتاج وتباسىلار مەن بالالار ۇيلەرىنە بولىنەتىن بولادى.
