قىتايدا ءبىر ۋاقىتتا 50 مىڭ ادام جاتتىعۋ جاسادى

استانا. قازاقپارات - قىتايداعى حىنان پروۆينتسياسىنىڭ 15 قالاسىندا گيننەستىڭ رەكوردتار كىتابىنا ەنگىزىلۋى مۇمكىن ءجايت تىركەلدى.

مۇندا 50 مىڭ ادام كوشەگە شىعىپ، ءبىر ۋاقىتتا تاي-چي گيمناستيكاسىنىڭ جاتتىعۋلارىن جاسادى.

اۋقىمدى سپورت شاراسى كەزىندە پروۆينتسيا تۇرعىندارى ءوز ايماقتارىنىڭ ءداستۇرلى كيىمىن كيىپ، سىمداي تارتىلىپ، ءبىر قاتارعا بوي تۇزەدى.

جالپى تاي-چي ونەرى ۋشۋدىڭ ءبىر ءتۇرى بولىپ تابىلادى. بۇل گيمناستيكا باياۋ تىنىس الىپ، دەنەنى بوس ۇستاۋمەن قاتار جاسالادى.

قىتاي جەرىندە XIII عاسىردا جەكپە-جەك ونەرى رەتىندە پايدا بولعان بۇل جاتتىعۋلار قازىر بۇكىل الەم بويىنشا قولدانىلادى، دەپ جازادى The Daily Mail.

دايىنداعان: گ. ابيلوۆا

www.24.kz