07:36, 20 - قازان 2015 | GMT +5
انكاراداعى قاندى تەراكت: 50 شەتەلدىك تۇتقىندالدى
استانا. قازاقپارات - ستامبۋلدا انتيتەررورلىق رەيد بارىسىندا «يسلام مەملەكەتىمەن» بايلانىسى بار دەگەن كۇدىكپەن 50 شەتەلدىك ازامات ۇستالدى.
ولاردىڭ سيريا جانە يراك ەلدەرىنە ءوتىپ، «ي م- گە» قوسىلۋ نيەتتەرى بولعان، دەپ حابارلايدى planet-today.ru.
كەڭ اۋقىمدى رەيدتىك شارا 10 -قازان كۇنى انكارادا ورىن العان قاندى تەراكتقا بايلانىستى ۇيىمداستىرىلعان. بۇل تۇركيا تاريحىنداعى ەڭ ءىرى لاڭكەستىك وقيعالاردىڭ ءبىرى بولدى، ونىڭ سالدارىنان 102 ادام قازا تاۋىپ، 200 دەن استامى جارالاندى.
ستامبۋلدىڭ پەنديك اۋدانىندا 17 ۇيگە تەكسەرۋ جۇرگىزىلىپ، بارلىق قولعا تۇسكەن ازاماتتار پوليتسيا بولىمىنە اكەلىندى. بۇلاردىڭ ناقتى قاي ەلدەردىڭ ازاماتتارى ەكەنى تۋرالى اقپارات جوق.
